Выберите категорию:

Alsexolin-inyeksiya uchun eritma

TIBBIYOTDA QO‘LLANILISHIGA DOIR YO‘RIQNOMA

ALSEXOLIN

Preparatning savdo nomi: Al’sexolin

Ta’sir etuvchi modda (XPN): Xolina al’fosserat

Dori shakli: In’eksiya uchun eritma

Tarkibi:

1 ampula tarkibi:

Ta’sir etuvchi modda: Xolina al’fossera-1000 mg/4 ml (xolina al’fosserat gidrati ko‘rinishi-1222,34 mg)

Yordamchi moddalar: In’eksiya uchun suv

Ta’rifi: Shaffof,rangsiz yoki och-sariq rangli eritma.

Farmakoterapevtik guruxi: Nootrop preparat

ATX kodi: N07AX02

Farmakologik xususiyatlari

Farmakodinamika

MNT ga yuqori ta’sir ko‘rsatuvchi xolinomimetik markaziy ta’sir. Preparat 40,5% metabolik ximoyalangan xolin saqlaydi. Xolina al’fosserat organizmda bosh miya fermentlar ta’sirida gliserofosfatgacha biotrasformatsiyalanuvchi xolin va al’fosseratga parchalanadi. Xolin asetilxolin sintezida ishtirok etib, nerv impulslarini jo‘natilishida ishtirok etadi, gliserofosfat esa fosfatidilxolin membranalar neyronlarini muxim omil bo‘lib, natijada membrananing egiluvchanligi va reseptorlari faoliyati yaxshilanadi.

Preparat miya qon aylanishini yaxshilaydi, bosh miya metabolik jarayonlarni kuchaytirib, bosh miya retikulyar formasiyalarni strukturasini aktivlashtiradi va bosh miya jaroxatlaridagi ongni tiklaydi. Neyronlar membranasining fosfolipid o‘zgarishlari va xolinergik aktivlikni pasayishi kabi involyusion psixoorganik sindrom faktorlariga profilaktik xamda korreksiyallovchi ta’sir ko‘rsatadi.

Farmakokinetikasi

Preparat gematoensefalik to‘siq orqali oson o‘tadi, asosan miyada to‘planadi( 45% konsentratsiyasi qon zardobida) shuningdek jigar va o‘pkada. Chiqarish asosan o‘pkada kabonat angidrid (85%) shaklida. Qolgan qismi buyraklar va ichak orqali chiqariladi.

Qo’llanilishi

  • Asosan miya shikastlanishlarining o‘tkir davri ( shu.j. ongni buzilishi va koma xolatida);
  • Degenerativ va involyusion psixoorganik sindromlar va xotiraning yo‘qolishi, ongning chalkashishi,dezorientasiya, motivasiyaning tushishi, inisiativlik va e’tibor konsentratsiyasi qobiliyatlari bilan xarakterlanuvchi birlamchi va ikkilamchi funksiyalarning buzilishlari;
  • emosional va xulq-atvor soxasidagi o‘zgarishlar: xissiy qobilyatsizlik, kuchli jizzakilik, qizikuvchanlikni pasayishi; keksalik psevdomelanxoliyasi;
  • mul’tiinfarkt demensiyasi.

Qo‘llash usuli va dozalari

Preparat mushak ichiga va vena ichiga mo‘ljalangan.

Bemorning axvoli o‘tkir xolatlarda m/i ga sutkada 1 g dozada sutkada yoki v/i – sutkada 1 g dan 3 g gacha.

V/i yuborilishda 4 ml preparatni 50 ml fiziologik eritma bilan suyultiriladi; infuziya tezligi- 60-80 tomchi/daq. Davolash
davomiyligi odatda 10 kunni tashkil qiladi, ammo extiyoj bo‘lsa davolashni ijobiy dinamika paydo bo‘lguncha davom ettirish mumkin.

Nojo‘ya ta’sirlari

Ko‘ngil aynishi(dofaminergik jarayonlar rag‘batlanishi xisobiga), allergik reaksiyalar.

Odatda, preparat uzoq qabul qilishda xam yaxshi o‘zlashtiriladi.

Qo‘llash mumkin bo‘lmagan xolatlar

  • preparat komponentlariga yuqori sezuvchanlik;
  • xomiladorlik va laktasiya.

Dorilarning o’zaro ta’siri

Preparatning boshqa dori vositalari bilan o‘zaro mutanosibligi o‘rganilmagan.

Maxsus ko‘rsatmalar

Xomiladorlik va emizish davrida qo‘llanilishi

Xomiladorlik davrida preparatni qo‘llash mumkin emas. Davolash davrida emizishni to‘xtatish zarur.

Pediatriyada qo‘llanilishi

Bolalarda qo‘llashdagi tajribalar mavjud emas.

Avtotransport vositalari va mexanizmlarni boshqarishga ta’siri

Preparat bemorni avtomobil boshqarish va potensial xavfli faoliyat turlari bilan shug‘ullanishiga ta’sir ko‘rsatmaydi.

Dozani oshirib yuborilishi

Dozani oshirib yuborilishida dozani kamaytirishdan yoki davolashni to‘xtatilgandan so‘ng o‘tuvchi ko‘ngil aynishi,bezovtalik, uyqusizlik.

Davolash- simptomatik.

Chiqarilish shakli

Ineksiya uchun eritma 1000 mg/4ml №5, № 10 (ampulalar)

Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tgandan so‘ng qo‘llanilmasin

Dorixonalardan berish tartibi

Shifokor resept bo‘yicha beriladi.

Sebrolan – inyeksiya uchun eritma

QO‘LLASH BO‘YIChA YO‘RIQNOMA

SEBROLAN

CEBROLAN

Preparatning savdo nomi: SEBROLAN

Ta’sir etuvchi modda (XPN): Serebrolizin

Dori shakli: in’eksiya uchun eritma.

Tarkibi:

1 ml eritma kuyidagilarni saklaydi:

Faol modda: Serebrolizin konsentrati 215,2 mg/ml yoki kukuni 40 mg/ml (cho‘chqaning yoki qoramol bosh miyasidan olingan aminokislota peptidlar yig‘indisi)

Yordamchi moddalar: Natriy gidroksid, in’eksiya uchun suv.

Ta’rifi: Tiniq, qaxrabo rangli suyuqlik

Farmakoterapevtik guruhi: Nootrop vosita

ATX kodi: N06BX

Farmakologik xususiyatlari

Farmakodinamikasi

Preparat gematoensefalik to‘siqdan o‘tuvchi va bevosita nerv hujayralariga tushadigan past molekulyar biologik faol neyropeptidlarni saqlovchi konsentratdir.

Preparat miyaning aerob energetik metabolizmining samaradorligini oshiradi, rivojlanayotgan va qariyotgan miyada hujayra ichida oqsil sintezini yaxshilaydi.

Neyronlarni shikastlovchi ta’sirdan himoya qiladi.

Preparat neyron-spesifik neyrotrofik faollikka ega.

Preparat anglash faoliyatini buzilishlarida ijobiy ta’sir ko‘rsatadi, diqqatni jamlanishini, eslab qolish jarayonlarini va qisqa muddatli xotira bilan bog‘liq axborotni qayta aytib berishni yaxshilaydi, ko‘nikmalarni o‘zlashtirish va saqlab qolish qobiliyatini oshiradi, aqliy faoliyat jarayonini faollashtiradi, kayfiyatni yaxshilaydi, ijobiy emosiyalarni shakllanishiga yordam berib, shu yo‘l bilan xulqqa uyg‘unlashtiruvchi ta’sir ko‘rsatadi.

Farmakokinetikasi

Preparat murakkab tarkibli, faol fraksiyasi biologik faol oligopeptidlarning muvozanatli va turg‘un aralashmasidan iborat bo‘lib, umumiy ko‘p funksional xarakatlar bilan aloxida komponentlarning muntazam farmokokinetik taxliliga ruxsat bermaydi.

Qo‘llanilishi

Serebrovaskulyar yetishmovchilik (dissirkulyator ensefalopatiya), ishemik insul’t (o‘tkir fazasi va reabilitasiya bosqichi), gemorragik insul’tdan keyingi holat, miyani travmatik shikastlanishi (miyani chayqalishi, bosh-miya jarohati, miyada jarrohlik aralashuvidan keyingi holat), bolalarda aqliy rivojlanishni kechikishi, bolalarda diqqatni jamlash qobiliyatini pasayishi, turli genezli demensiya sindromi (presenil demensiya – Al’sgeymer kasalligi, senil Al’sgeymer turidagi, qon tomir kasalliklari oqibatidagi – mul’tiinfarkt shakli, aralash shakllari), antidepressantlarga rezistent bo‘lgan endogen depressiyada (kompleks davolash tarkibida) qo‘llanadi.

Qo‘llash usuli va dozalari

Preparat parenteral qabul qilinadi. Dozalar va davolash davomiyligi kasallikning xarakteri, og‘irligiga, shuningdek bemornin yoshiga bog‘liq. Preparatni bir marotaba 50 ml gacha bo‘lgan dozada yuborish mumkin, lekin davolash kursini amalga oshirish maqsadga muvofiqdir.

Tavsiya qilinadigan davolash kursi 10 – 20 kun davomida kunlik in’eksiyalar ko‘rinishida o‘tkaziladi.

O‘tkir holatlarda (ishemik insul’t, bosh-miya jarohati, neyroxirurgik operatsiyalardan keyingi aosratlar) – 10 ml dan 50 ml gacha.

Bosh miya insul’ti va miyaning travmatik shikastlanishini rezidual davri – 5 ml dan 50 ml gacha.

Psixoorganik sindrom va depressiya – 5 ml dan 30 ml gacha.

Al’sgeymer kasalligi, qon tomir kasalligi va aralash al’sgeymer-qon tomir genezli demensiya – 5 ml dan 30 ml gacha.

Neyropediatriya amaliyoti – 0,1 – 0,2 ml/kg tana vazniga.

Davolash samaradorligini oshirish uchun bemorning xolati davolashdan so‘ng yaxshilanguniga qadar qayta davolash kurslari amalga oshirilishi mumkin. Birinchi kurs utkazilganidan sung in’eksiyalar davriyligi xaftada 2 yeki 3 martagacha qisqarishi mumkin.

Preparat in’eksiya ko‘rinishida parenteral m/i (5 ml gacha) va v/i (10 ml gacha) qabul qilinadi. Preparatni 10 ml dan 50 ml gacha bo‘lgan xajmi faqatgina vena ichiga infuziya uchun mo‘ljallangan eritmalarda aralashtirgan xolda sekin yuboriladi.

Infuziya davomiyligi 15 daqiqadan 60 daqikagacha.

Nojo‘ya ta’sirlari

Oshqozon – ichak tizimi tomonidan: ko‘ngil aynishi, qayd qilish, diareya, anoreksiya, abdominal og‘riqlar, soxtamembranoz enterokolit, jigar transaminazalarining faollanishi, giperbilirubinemiya, gepatit, disbakterioz.

Yurak – qon tomir tizimi tomonidan: arterial qon bosimining pasayishi, kon tomir kollapsi, taxikardiya.

Modda almashinuvi tomonidan: gipoglikemiya (ishtaxa oshishi, terlash, qaltirash).

MNT va periferik nerv tizimi tomonidan: bosh og‘rig‘i, bosh aylanishi, xolsizlik, uyquchanlik, uyqusizlik, paresteziyalar, tashvishlanish, qo‘rquv, gallyusinasiyalar, ongni chalkashishi, depressiya, xarakat buzilishlari, tutqanoq.

Sezgi organlari: qo‘rish, eshitish, xid sezish, ta’m sezish va taktil sezuvchanlik qobiliyatlarining pasayishi.

Suyak – muskul tizimi tomonidan: artralgiya, mialgiya, pay cho‘zilishi, muskul xolsizligi, tendinit.

Siydik-chiqarish tizimi tomonidan: giperkreatininemiya, interstisial nefrit.

Qon yaratish tizimi tomonidan: eozinofiliya, gemolitik anemiya, leykopeniya, neytropeniya, agranulositoz, trombositopeniya, pansitopeniya, gemorragiyalar.

Dermatologik reaksiyalar: fotosensibilizasiya, qichishish, teri va shilliq qavatlarining shishi, xatarli ekssudativ eritema (Stiven-Jonson sindromi), toksik epidermal nekroliz (Layel sindromi).

Allergik reaksiyalar: eshakemi, bronxospazm, nafas qisishi, anafilaktik shok, allergik pnevmonit, vaskulit.

Boshqalar: porfiriya kuchayishi, rabdomioliz, doimiy isitma, superinfeksiya rivojlanishi.

Qo‘llash mumkin bo‘lmagan holatlar

O‘ta yuqori sezuvchanlik, o‘tkir buyrak yetishmovchiligi, tutqanoq xuruji. Ehtiyotkorlik bilan: homiladorlik (I uch oyligi),laktasiya davri.

Dorilarning o‘zaro ta’siri

Antidepressatlarning samarasini kuchaytiradi.

Maxsus ko‘rsatmalar

Ampula ochilganidan keyin eritma darhol ishlatilishi lozim.

Preparatni homiladorlik vaqtida (ayniqsa I uch oylikda), emizish davrida, faqat davolashning ijobiy samarasi va uni qo‘llanishi bilan bog‘liq xavf nisbati sinchkovlik bilan tahlil qilingandan keyingina buyurilishi mumkin.

Preparat transport vositalari va potensial xavfli mexanizmlarni boshqarish qobiliyatiga ta’sir ko‘rsatmaydi.

Ehtiyotkorlik choralari

Preparat allergik diatezlarda, tutqanoqda, katta tutqanoq xurujlarida ehtiyotkorlik bilan buyuriladi.

Dozani oshirib yuborilishi

Preparat qo‘llanganida hozirgi vaqtgacha dozani oshirib yuborish hollari ta’riflanmagan.

Chiqarilish shakli

1ml, 2ml, 5ml, 10 ml dan ampulalarda.

Saqlash sharoiti

Kuruk, yorug‘likdan himoyalangan joyda, 25ºС dan yuqori bo‘lmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tganidan so‘ng qo‘llanilmasin.

Dorixonalardan berish tartibi

Shifokor resepti bo‘yicha beriladi.

Ensefakolin® Neo – ichish uchun eritma

QO‘LLASH BO‘YICHA YO‘RIQNOMA

ENSEFAKOLIN®NEO

ENSEFACOLIN NEO

Preparatning savdo nomi: Ensefakolin®Neo

Ta’sir luvchi modda (XPN): Sitikolin

Dori shakli: Ichish uchun eritma.

Tarkibi:

100 ml eritma quyidagilarni saqlaydi:

Faol modda: sitikolin natriy – 10,45 g;

Yordamchi moddalar: sorbitol 70%, gliserin, metilparagidroksibenzoat, propilparagidroksibenzoat, natriy sitrati, natriy saxarini, qulupnay xushbo‘yi, kaliy sorbati, limon kislotasi, tozalangan suv 100 ml gacha.

Ta’rifi: rangsiz yoki sarg‘ish rangli, qulupnay hidli tiniq suyuqlik.

Farmakoterapevtik guruhi: nootrop vositalar.

ATX kodi: N06BX06

Farmakologik xususiyatlari

Sitikolin xujayra membranasining (asosan fosfolipidlarning) asosiy ul’trastruktur komponentlarining o‘tmishdoshi bo‘lib, keng ta’sir doirasiga ega – xujayralarning shikastlangan membranalarini tiklanishga yordam beradi, fosfolipazalarning ta’sirini ingibirlaydi, erkin radikallarning ortiqcha hosil bo‘lishiga to‘sqinlik qiladi, shuningdek apoptoz mexanizmlariga ta’sir ko‘rsatib, hujayralarning halok bo‘lishini oldini oladi. Insul’tning o‘tkir davrida bosh miya to‘qimasining shikastlanish hajmini kamaytiradi, xolinergik impul’slarni o‘tkazilishini yaxshilaydi. Bosh-miya jarohatida postravmatik komaning davomiyligini va nevrolitik belgilarining yaqqoligini kamaytiradi, bundan tashqari, tiklanish davrining davomiyligini kamayishiga yordam beradi. Bosh miyaning surunkali gipoksiyasida sitikolin xotirani yomonlashishi, tashabbussizlik, kundalik harakatlarni bajarishdagi va o‘z-o‘ziga xizmat ko‘rsatishdagi qiyinchiliklar kabi kognitiv buzilishlarni davolashda samaralidir. Diqqat va ong darajasini oshiradi, shuningdek amneziyaning ko‘rinishlarini kamaytiradi. Degenerativ va qon-tomir etiologiyali nevrologik sezgi va harakat buzilishlarini davolashda samaralidir.

Farmakokinetikasi

So‘rilishi

Sitikolin ichga qabul qilinganida yaxshi so‘riladi. Peroral qo‘llanganidan keyin so‘rilishi deyarli to‘liq, biokiraolishligi vena ichiga yuborilganidan keyingi bilan taxminan bir xil.

Metabolizmi

Preparat xolin va sitidinni hosil bo‘lishi bilan ichakda va jigarda metabolizmga uchraydi. Preparat qabul qilinganidan keyin qon plazmasida xolinning konsentratsiyasi sezilarli oshadi.

Taqsimlanishi

Sitikolin xolin fraksiyalarini struktur fosfolipidlarga va sitidin fraksiyalarini sitidin nukleotidlari va nuklein kislotalariga tez kirishi bilan bosh miya strukturalarida ahamiyatli darajada taqsimlanadi. Sitikolin bosh miyaga kiradi va hujayra, sitoplazmatik va mitoxondrial membranalarga faol tizilib olib, struktur fosfolipidlarning fraksiyasini bir qismini hosil qiladi.

Chiqarilishi

Sitikolinning yuborilgan dozasini faqat 15% odam organizmidan chiqariladi: 3% dan kamrog‘i – buyraklar va ichak orqali va taxminan 12% – nafas bilan chiqarilayotgan SO2 bilan chiqariladi.

Preparatni siydik bilan chiqarilishida 2 bosqichni ajratish mumkin: taxminan 36 soat davom etuvchi birinchi bosqich, unda chiqarilish tezligi tez kamayadi va ikkinchi bosqich, unda chiqarilish tezligi ancha sekinroq kamayadi. SO2 bilan chiqarilganida ham shunday holat kuzatiladi, nafas bilan chiqariladigan SO2 ni chiqarilish tezligi taxminan 15 soat o‘tgach tez kamayadi, so‘ngra u ancha sekinroq pasayadi.

Qo‘llanilishi

  • Ishemik insul’tning o‘tkir davri (majmuaviy davolash tarkibida).
  • Ishemik va gemorragik insul’tlarning tiklanish davri.
  • Bosh-miya jarohati (BMJ), o‘tkir (majmuaviy davolash tarkibida) va tiklanish davri.
  • Degenerativ yeki qon-tomir kelib chiqishiga bog‘liq bo‘lgan serebral patologiyali kognitiv, sensitiv, motorik va neyropsixologik buzilishlar.

Qo‘llash usuli va dozalari

Preparat peroral buyuriladi. Qo‘llashdan oldin preparatni oz miqdordagi (120 ml yoki 1/2 stakan) suvda suyultirish kerak. Ovqat vaqtida yoki ovqat qabul qilishlar orasida qabul qilinadi.

Tavsiya qilingan dozalash tartibi

Ishemik insul’t va bosh-miya jarohati (BMJ) ning o‘tkir davri: 1000 mg (10 ml) dan har 12 soatda buyuriladi. Davolashning davomiyligi kamida 6 hafta.

Ishemik va gemorragik insul’tlarning tiklanish davri, bosh-miya jarohatining tiklanish davri, bosh miyaning degenerativ va qon-tomir oqibatidagi kasalliklaridagi kognitiv va xulqiy buzilishlar: Kuniga 500-2000 mg (5-10 ml) kuniga 1-2 marta buyuriladi. Doza va davolashning davomiyligi kasallikning simptomlarini og‘irligiga bog‘liq.

Keksa pasientlar

Preparati keksa pasientlarga buyurilganda dozani to‘g‘rilash talab qilinmaydi.

Nojo‘ya ta’sirlari

Nojo‘ya samaralarning tez-tezligi

Juda kam (<1/10000) (shu jumladan xususiy holatlar):

Allergik reaksiyalar (toshma, terini qichishishi, anafilaktik shok), bosh og‘rig‘i, bosh aylanishi, qizib ketish hissi, tremor, ko‘ngil aynishi, qusish, diareya, gallyusinasiyalar, shishlar, hansirash, uyqusizlik, qo‘zg‘alish, ishtaxani pasayishi, falajlangan qo‘l-oyoqlarda uvishish, jigar fermentlari faolligini o‘zgarishi. Ayrim hollarda preparat parasimpatik nerv tizimini rag‘batlantirishi, shuningdek arterial bosimni qisqa muddatli o‘zgarishini chaqirishi mumkin.

Agarda yo‘riqnomada ko‘rsatilgan nojo‘ya samalardan birontasi og‘irlashsa, yoki yo‘riqnomada ko‘rsatilmagan har qanday boshqa nojo‘ya samaralari sezilgan bo‘lsa, bu haqida shifokorga xabar berish kerak.

Qo‘llash mumkin bo‘lmagan holatlar

  • preparatning har qanday komponentiga yuqori sezuvchanlik;
  • yaqqol vagotoniya (vegetativ nerv tizimining parasimpatik qismining tonusini ustunligi);
  • fruktozani o‘zlashtiraolmaslik bilan bog‘liq kam uchraydigan nasliy kasalliklar;

Dorilarning o‘zaro ta’siri

Sitikolin levodopaning samarasini kuchaytiradi. Meklofenoksat saqlovchi dori vositalari bilan bir vaqtda buyurish mumkin emas.

Maxsus ko‘rsatmalar

Sovuqda konservantning vaqtinchalik qisman kristallanishi tufayli ozgina miqdorda kristallarhosil bo‘lishi mumkin. Keyinchalik tavsiya qilingan sharoitlarda saqlanganida kristallar bir necha oy davomida erib ketadi. Kristallarning borligi preparatning sifatiga ta’sir qilmaydi. Davolanish davrida maxsus e’tibor va tezkor reaksiyalarni talab qiluvchi potensial xavfli faoliyat turlarini (avtomobil’ va boshqa transport vositalarini boshqarish, harakatlanuvchi mexanizmlar bilan ishlash, dispetcher va operatorning ishi va hokazolar) bajarishda ehtiyotkorlikka amal qilish kerak.

Homiladorlik va emizish davrida qo‘llanishi

Sitikolinni homilador ayollarda qo‘llash bo‘yicha yetarli ma’lumotlar yo‘q. Garchi hayvonlarda o‘tkazilgan tadqiqotlarda salbiy ta’siri aniqlanmagan bo‘lsada, homiladorlik davrida preparatni faqat ona uchun kutilayotgan foyda, homila uchun potensial xavfdan ustun bo‘lgan hollardagina buyuriladi.

Preparat laktasiya davrida buyurilganida ayollar emizishni to‘xtatishlari lozim, chunki setikolinni ayollar suti bilan chiqarilishi to‘g‘risida ma’lumotlar yo‘q. Preparat yangi tugilgan chaqaloqlarda tibbiy ko‘rsatmalar asosida qo‘llanilishi mumkin. Preparat tarkibida sorbitol saqlaydi, shuning uchun fruktozani o‘zlashtira olmaydigan bemorlarga ushbu preparatni ko‘llash mumkin emas.

Dozani oshirib yuborilishi

Preparatning kam zaharliligini hisobga olib, dozani oshirib yuborilish hollari ta’riflanmagan.

Chiqarilish shakli

Ichish uchun eritma 100 mg/ml, 30 ml yoki 50 ml dan flakonlarda to‘plamda o‘lchov qoshiqchasi yoki stakancha bilan.

Saqlash sharoiti

Kuruk, yoruglikdan ximoyalangan joyda, 25ºC dan yuqori bo‘lmagan haroratda saqlansin. Bolalardan asrang!

Yaroqlilik muddati

3 yil. Yaroqlilik muddati o‘tgach qo‘llanilmasin.

Dorixonalardan berish tartibi

Shifokor resepti bo‘yicha beriladi.

    ×