Выберите категорию:

Alltrombosepin- kapsulalar

TIBBIYOTDA QO‘LLANILISHIGA DOIR YO‘RIQNOMA

ALLTROMBOSEPIN®

ALLTOMBOSEPINUM

Preparatning savdo nomi: Alltrombosepin®

Ta’sir etuvchi modda(XPN): Allium*

Dori shakli: kapsula

Tarkibi:

1 kapsula quyidagilarni saqlaydi:

faol modda: alltrombosepin – 100 mg;

yordamchi moddalar: aerosil, makkajo‘xori yoki kartoshka kraxmali, kal’siy stearati yoki magniy stearati

Ta’rifi: och qo‘ng‘ir rangdan to‘q jigaranggacha bo‘lgan, spesifik xidga ega, kukun bilan to‘ldirilgan, №2 o‘lchamli, zarg‘aldoq rangli qattiq jelatin kapsulalar.

Farmakoterapevtik guruhi: Antiagregant vosita.

ATX kodi: B01AX.

Farmakologik xususiyatlari

ADF ni trombositlarning yuzasidagi reseptorlar bilan bog‘lanishini susaytiradi va GPIIb/IIIa (fibrinogen uchun asosiy reseptori) majmuasini faollanishini ingibisiya qilish yo‘li bilan trombositlarning ADF-induksiya qilingan agregasiyasini tormozlaydi. Alltrombosepin, shuningdek boshqa omillar yuzaga chaqirgan trombositlarning agregasiyasini ham susaytiradi. Alltrombosepin ADF ga trombositar reseptorlarni orqaga qaytmaydigan o‘zgarishi orqali ta’sir qiladi; me’yoriy agregasion faollik yangi trombositlarning hosil bo‘lish tezligiga muvofiq tezlikda tiklanadi. Preparatni qo‘llashning birinchi kunlaridan trombositlar agregasiyasini tormozlanishi yuzaga chiqadi.

Qo‘llanilishi

  • surunkali koronar yetishmovchiligini davolash;
  • tromboz va emboliyalarni, shu jumladan miokard infarktini va bosh miyani insul’tini oldini olish;
  • trombositlar agregasiyasi yuqori xavfi bo‘lgan kasalliklarni oldini olish;
  • nostabil zo‘riquvchi stenokardiya, miokard infarkti, yurak va qon tomirlar operatsiyadan keyingi davrda antikoagulyantlar (geparin) bilan qo‘shimcha davolash sifatida qo‘llaniladi.

Qo‘llash usuli va dozalari

Preparat kattalarga – 100 mg dan sutkada 1 marta ovqat qabul qilgandan so‘ng buyuriladi, ichga suv bilan qabul qilinadi.

Nojo‘ya ta’sirlari

Sezuvchanlikka ega bo‘lgan bemorlarda allergik reaksiyalar kuzatilishi mumkin.

Qo‘llash mumkin bo‘lmagan holatlar

  • o‘tkir qon ketishi (peptik yara va b.);
  • preparatga, preparatning koponentlariga yuqori sezuvchanlik;
  • gemofiliyada qo‘llash mumkin emas.

Dorilarning o‘zaro ta’siri

Agar preparatni bir vaqtda boshqa antiagregantlar, trombolitiklar yoki antikoagulyantlar hamda trombositopeniyani rivojlantirishi mumkin bo‘lgan vositalar bilan bir vaqtda qo‘llansa, qon ketishning rivojlanishi xavfi oshadi.

Maxsus ko‘rsatmalar

Preparat jarohatlar, operativ aralashuvlar va patologik holatlar tufayli qon ketishni paydo bo‘lishi xavfi yuqori bo‘lgan bemorlarga ehtiyotkorlik bilan buyurish lozim. Preparat bolalar ololmaydigan joyda saqlansin va yaroqlilik muddati o‘tgandan so‘ng qo‘llanilmasin.

Dozani oshirib yuborilishi

Simptomlari: preparatni tavsiya qilinganidan yuqori dozalarda qo‘llanilishi qon ketish xavfini oshirishi mumkin.

Davolash: qon ketishi bilan asoratlangan, doza oshirib yuborilganda, preparatni bekor qilish zarur. Jarrohlik gemostazi, yo‘qotilgan qon o‘rnini to‘ldirish, yangi muzlatilgan plazma, plazmaferez o‘tqazilishi mumkin.

Chiqarilish shakli

Kapsulalar 100 mg dan kontur-uyali o‘ramlarda yoki flakonlarda.

Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor resepti bo‘yicha beriladi.

×