Выберите категорию:

Sevatsitol®- inyeksiya uchun eritma

TIBBIYOTDA QO‘LLANILISHIGA DOIR YO‘RIQNOMA

SEVASITOL®

Preparatning savdo nomi: Sevasitol®

Ta’sir etuvchi modda (XPN): Etilmetilgidroksipiridina suksinat

Dori shakli: in’eksiya uchun eritma

1 ml eritma tarkibi:

Ta’sir etuvchi modda: etilmetilgidroksipiridin suksinati

Yordamchi moddalar: natriy metabisul’fiti, in’eksiya uchun suv

Ta’rifi: Shaffof, ransiz yoki och sariq rangli suyuqlik.

Farmakoterapevtik guruxi: Antioksidant vosita

ATX kodi: N07XX

Farmakologik xususiyatlari

Farmakodinamika

Antigipoksik, membranaprotektor, nootrop, tirishishga qarshi, anksiolitik ta’sir ko‘rsatadi, organizmni stressga chidamliligini oshiradi. Preparat tananing asosiy zarar etuvchi omillarga ta’sirga, kislorodga bog‘liq bo‘lgan patologik sharoitlarga qarshiligini oshiradi (shok, gipoksiya va ishemiya, miya qon aylinishi buzilishlari, alkogol va antipsixotik preparatlar (neyroleptiklar)) intoksikasiyasi.

Preparat miya metabolizmi va bosh miya qon bilan ta’minlanishini yaxshilaydi, mikrosirkulyasiya va qonning reologik xususiyatlarini yaxshilaydi, trombosit agregasiyasini kamaytiradi.

Gemolizda qon xujayralarining membrana tuzilishini barqarorlashtiradi (eritrosit va trombositlar). Gipolipidemik ta’sirga ega, xolesterin va KZLP umumiy miqdorini kamaytiradi.

O‘tkir pankreatitda fermentativ toksemiya va endogen intoksikasiyani kamaytiradi.

Preparatning ta’sir etish mexanizmi uning antigipoksant, antioksidant va membrano-protektor ta’siriga ega. Bu lipid peroksidlanish jarayonini ingibirlaydi, superoksiddismutazaning faolligini oshiradi, lipid-oqsil nisbatlarini oshiradi,membrananing yopishqoqligini pasaytiradi va uning suyuqligini oshiradi.

Membrana bilan bog‘langan fermentlar (kal’siyga bog‘liq bo‘lmagan fosfodiesteraza,adenilatsiklaza, asetilxolinesteraza), reseptorlari komplekslari (benzodiazepinli, GAMK, asetilxolinli) faoliyatini modulyasiya qiladi, bu ularning ligandlar bilan bog‘lanish qobilyatini kuchaytiradi, biomembrananing tarkibiy va funksional tuzilishini saqlab qolishiga yordam beradi,neyromediatorlar transport xususiyatini va sinaptik o‘tkazuvchanligini oshiradi. Preparat bosh miyada dofamin tarkibini oshiradi. Aerob glikozning kompensator faolligini oshirishga va gipoksiya sharoitiga Krebs siklidagi oksidlanish jarayonlarini kamayish darajasini pasayishiga olib keladi, bunda ATF, kreatinin fosfat takibining ko‘payishiga va mitoxondriyaning energiya sintez qiluvchi funksiyalarini faollashadi,xujayra membranalarini barqarorlashtiradi.

Preparat ishemik miokarddagi metabolik jarayonlarni normallashtiradi, nekroz zonasini kamaytiradi. Elektr faolligini va miokardning qiskaruvchanligini tiklaydi va yaxshilaydi,shuningdek, ishemik zonada koronar qon oqimini oshiradi va o‘tkir koronar yetishmovchilikda reperfuzion sindromini ta’sirini kamaytiradi.

Farmakokinetika

So‘rilishi

Maksimal konsentratsiyaga erishish vaqti (Tmax) – 0.45-0.5 s. 400-500 mg dozani yuborilganda Cmax 3,5-4,0 mkg/ml ni tashkil etadi.

Taqsimlanishi

M/i ga yuborilgandan 4 soatdan keyin qon plazmasida aniqlanadi. Preparat qon oqimidan organ va to‘kimalariga tez o‘tadi va organizmdan yo‘q qilinadi. Preparatning ushlanish vaqti(MRT) 0.7-1.3 s ni tashkil qiladi.

Chiqarilishi

Preparat asosan siydik orqali chiqariladi, glyukuronokon’yugir formada va oz miqdorda o‘zgarmagan xolda.

Qo‘llanilishi

  • O‘tkir miya qon aylanishining buzilishlari;
  • Miya jaroxatlari, miya jaroxatlari asoratlari;
  • Dissirkulyatorlik ensefalopatiya;
  • Vegetativ distoniya sindromi;
  • Aterosklerotik genezning yengil kognitiv buzilishlari;
  • Nevrotik va nevrozga o‘xshash xolatlardagi bezovtalik xolatlari;
  • O‘tkir infarkt miokardi( birinchi sutkadan) kompleks davolash tarkibida;
  • Turli bosqichdagi birlamchi ochiq burchakli glaukoma, kompleks davolash tarkibida;
  • Antipsixotik vositalardan o‘tkir intoksikasiya;
  • Qorin bo‘shlig‘ining o‘tkir yiringli- yallig‘lanishlari (o‘tkir nekrotik pankreatit,peritonit) kompleks davolash tarkibida;

Qo‘llash usuli va dozalari

Preparat m/i yoki v/i ( oqimli va tomchilab) yuboriladi. Infuzion yuborish yo‘li bilan preparatni 0.9% natriy xlorid eritmasi bilan suyultiriladi.

Preparatni oqimli yuborganda sekin 5-7 minut davomida, tomchilab- 40-60 tomchi/daq tezlikda yuboriladi. Sutkalik maksimal doza 1200 mg dan oshmaslik zarur.

O‘tkir miya qon aylanish buzilishlarida preparat birinchi 10-14 kunlarda v/i 200-500 mg dan 2-4 marotaba/sut tomchilab. Keyin m/i 200-250 mg dan 2-3 marotaba/sut 2 xafta mobaynida.

Miya jaroxatlari va miya jaroxati asoratlarida preparat 10-15 kun davomida v/i tomchilab 200-500 mg dan 2-4 marotaba/sut.

Dissirkulyatorlik ensefalopatiyaning dekompensasiya fazasida preparatni v/i oqimli yoki tomchilab 200-500 mg dozada 1-2 marotaba/sut 14 kun davomida,keyin- m/i 100-250 mg/sut keyingi 2 xafta mobaynida buyuriladi.

Dissirkulyatorlik ensefalopatiyaning kurslik profilaktikasi uchun preparat m/i 200-250 mg dozada 2 marotaba/sut 10-14 kun davomida yuboriladi.

Keksa yoshdagi bemorlarda yengil kognitiv buzilishlarda va tashvishli kasalliklarda preparat m/i 100-300 mg sutkalik dozada 14-30 kun davomida yuboriladi.

O‘tkir infarkt miokardda kompleks davolash tarkibida preparat v/i yoki m/i 14 sutka davomida, shu jumladan o‘zida nitratlar, beta-adrenoblokatorlar, APF ingibitorlari, trombolitiklar, antikoagulyantlar i antiagregant vositalar , bundan tashqari ko‘rsatmaga asosan simptomatik vositalar tarkibini saqlovchi an’anaviy infarkt miokardini davolash
fonida.

Birinchi 5 sutkada,maksimal effektga erishish uchun , preparatni v/i yuborish afzalroq,keyingi 9 sutkada preparatni m/i ga yuborish mumkin.

V/i preparatni tomchilik infuziya ko‘rinishda sekin ( nojo‘ya ta’sirlar kelib chiqmasligi uchun) 0.9% natriy xlorid eritmasida yoki 5% dekstroza (glyukoza) eritmasida 100-150 ml xajmida
30-90 daqiqa davomida yuboriladi. Zaruriyat bo‘lsa preparatni sekin oqimli yuborishda 5 daqiqadan kam bo‘lmagan davomiylikda yuborish mumkin.

Prepartni (v/i yoki m/i) yuborish 3 marotaba/sut xar 8 soatda amalga oshiriladi. Sutkalik terapevtik doza 6-9 mg/kg ni, bir marotabalik doza- 2-3 mg/kg tana og‘irligiga tashkil etadi.

Maksimal sutkalik doza 800 mg dan, bir marotabalik doza-250 mg dan oshmasligi kerak.

Turli bosqichdagi birlamchi ochiq burchakli glaukoma, kompleks davolash tarkibida preparat m/i ga 100-300 mg/sut 1-3 marotaba 14 kun mobaynida.

Antipsixotik vositalardan o‘tkir intoksikasiyasida preparat v/i ga 200-500 mg/sut dozada 7-14 kun mobaynida.

Qorin bo‘shlig‘ining o‘tkir yiringli- yallig‘lanishlari (o‘tkir nekrotik pankreatit,peritonit) kompleks davolash tarkibida preparat birinchi sutkalarda, operatsiyadan oldin xam va operatsiyadan kesingi davrda buyuriladi. Yuboriladigan doza kasallik og‘irligi va shakliga,jarayonning tarqalganligiga, klinik oqimining imkoniyatlariga bog‘liq. Preparatni bekor qilish
bosqichma-bosqich olib boriladi.

O‘tkir ishishlik (interstisial) pankreatitda preparat 200-250 mg 3 marotaba/sut v/i tomchilab ( 0.9% natriy xlorid eritmasida) va m/i ga yuboriladi.

Yengil og‘irlik darajasidagi nekrotik pankreatitda – 100-200 mg 3 marotaba/sut v/i tomchilab ( 0.9% natriy xlorid eritmasida) va m/i ga yuboriladi.

O‘rta og‘irlik darajasidagi nekrotik pankreatitda – 200 mg dan 3 marotaba/sut v/i tomchilab ( 0.9% natriy xlorid eritmasida) yuboriladi.

Og‘ir darajadagi nekrotik pankreatitda – pul’sga- 800 mg dozirovkada birinchi sutkalarda, ikki marotabalik yuborish rejimida,keyinchalik -200-500 mg dan 2 marotaba/sut sutkalik dozani bosqichma-bosqich pasaytirish bilan.

O‘ta og‘ir darajadagi nekrotik pankreatitda– boshlang‘ich doza 800 mg/sut pankreotogen shokning namoyon bo‘lishining doimiy yengilligigacha, xolatning stabillashuvida- 300-500 mg dan 2 marotaba/sut v/i tomchilab ( 0.9% natriy xlorid eritmasida) sutkalik dozani bosqichma-bosqich pasaytirish bilan.

Nojo‘ya ta’sirlari

Ko‘ngil aynishi va og‘iz bo‘shlig‘i shilliq qavatining quruqlashishi, uyquchanlik, allergik reaksiyalar paydo bo‘lishi mumkin.

Qo‘llash mumkin bo‘lmagan holatlar

  • Jigar funksiyasining o‘tkir buzilishlari;
  • Buyrak funksiyasining o‘tkir buzilishlari;
  • Preparatga yuqori individual sezuvchanlik;

Preparatning bolalarda, xomiladorlarda va emizikliklarda xavfsizligi to‘g‘risida klinik tadqiqotlar o‘tkazilmagan.

Dorilarning o’zaro ta’siri

Benzodiazepin anksiolitiklar,tirishishga qarshi( karbamezipin), parkinson kasalligiga qarshi vositalar ta’sirini kuchaytiradi.

Etil spirti toksik ta’sirini kamaytiradi.

Maxsus ko‘rsatmalar

Ba’zi xollarda, ayniqsa bronxial astma bilan og‘rigan,sul’fitlarga sezgirligi yuqori bo‘lgan bemorlarda og‘ir sezuvchanlik reaksiyalarining rivojlanishi mumkin.

Dozani oshirib yuborilishi

Dozani oshirib yuborilishida uyquchanlik yuzaga kelishi mumkin.

Chiqarilish shakli

In’eksiya uchun eritma 50 mg/ml 2 ml, 5 ml, №5 №10(2×5,1×10) (ampulalar)

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor resept bo‘yicha beriladi.

Nevaron® Neo – inyeksiya uchun eritma

TIBBIYOTDA QO‘LLANILISHIGA DOIR YO‘RIQNOMA

NEVARON® NEO

Preparatning savdo nomi: Nevaron® Neo

Ta’sir etuvchi moddalar (XPN): tiamin gidroxloridi + piridoksin gidroxloridi + sianokobalamin+ lidokain gidroxloridi

Dori shakli: In’eksiya uchun eritma.

Tarkibi:

2 ml preparat quyidagilarni saqlaydi:

faol moddalar: 100,0mg tiamin gidroxloridi, 100,0mg piridoksin gidroxloridi, 1,0mg sianokobalamin, 20,0mg lidokain gidroxloridi;

yordamchi moddalar: benzil spirti, natriy polifosfati, kaliy ferrisianidi, natriy gidroksidi, in’eksiya uchun suv 2 ml gacha.

Ta’rifi: qizil rangli tiniq eritma.

Farmakoterapevtik guruhi: Vitamin.

ATX kodi: A11E

Farmakologik xususiyatlari

B guruhi neyrotrop vitaminlari nervlar va harakat apparatining yallig‘lanish va degenerativ kasalliklariga ijobiy ta’sir ko‘rsatadi. Qon oqimini kuchayishiga yordam beradi va nerv tizimining ishini yaxshilaydi.

Tiamin keyinchalik uglevodlarning metabolizmida, shuningdek TPF (tiamin pirofosfat) va ATF (adenozin trifosfat) sintezida ishtiroki bilan Krebs siklida asosiy rol’ o‘ynaydi.

Piridoksin protein metabolizmida, va qisman, uglevodlar va yog‘lar metabolizmida ishtirok etadi. Ikkala vitaminlarning fiziologik funksiyasi, bir-birining ta’sirini potensiyalashi hisobiga nerv, nerv-mushak va yurak-qon tomir tizimiga ijobiy ta’siri bilan ifodalanadi. Keng tarqalgan V6 vitaminining tanqisligi holatlari bu vitaminlar yuborilganidan keyin tez bartaraf qilinadi.

Sianokobalamin mielin qobig‘ining sintezida ishtirok etadi, gemopoezni rag‘batlantiradi, periferik nerv tizimini shikastlanishi bilan bog‘liq bo‘lgan og‘riq tuyg‘ularini kamaytiradi, folat kislotasini faollashishi orqali nuklein almashinuvini rag‘batlantiradi.

Lidokain – mahalliy og‘riqsizlantiruvchi vosita, mahalliy anasteziyaning barcha turlarini: terminal, infil’trasion, o‘tkazuvchi anasteziyani chaqiradi.

Farmakokinetikasi

Mushak ichiga yuborilganidan keyin tiamin in’eksiya joyidan tez so‘riladi va qonga tushadi (birinchi kuni 50mg doza yuborilganidan keyin 15 minut o‘tgach 484 ng/ml) va uning leykositlarda 15%, eritrositlarda 75% va plazmada 10% miqdori bilan organizmda notekis taqsimlanadi. Organizmda vitaminning ahamiyatli zahiralarining yo‘qligi tufayli, u organizmga xar kuni tushishi kerak. Tiamin gematoensefalik va yo‘ldosh to‘siqlari orqali o‘tadi va ona sutida aniqlanadi. Tiamin siydik bilan al’fa-fazada 0,15 soat o‘tgach, beta-fazada – 1 soat o‘tgach va terminal fazada – 2 kun davomida chiqariladi. Asosiy metabolitlari: tiaminkarbon kislotasi, piramin va ayrim noma’lum metabolitlaridir. Hamma vitaminlar orasida tiamin organizmda eng kam miqdorlarda saqlanadi. Katta odamning organizmi taxminan 30mg tiaminni 80% tiamin pirofosfati, 10% tiamin trifosfati ko‘rinishida va qolgan miqdorini tiamin monofosfati ko‘rinishida saqlaydi.

Mushak ichiga yuborilgan in’eksiyadan keyin piridoksin qon havzasiga tez so‘riladi va CH2OH guruhining 5-nchi holatda fosfat kislotasini qoldig‘ini organik moddalar molekulasiga qo‘shilishidan keyin koenzim rolini o‘ynab, organizmda taqsimlanadi. Vitaminning taxminan 80% qon plazmasi oqsillari bilan bog‘lanadi. Piridoksin butun organizm bo‘ylab taqsimlanadi va yo‘ldosh orqali o‘tadi va ona sutida aniqlanadi, jigarda to‘planadi va 4-piridoksin kislotasigacha oksidlanadi, u so‘rilganidan keyin maksimum 2-5 soat o‘tgach siydik bilan chiqariladi. Odam organizmida 40-150mg V6 vitamini saqlanadi va uning har kungi chiqarilishi 2,2-2,4% o‘rnini qoplash tezligida taxminan 1,7-3,6mg ni tashkil qiladi.

Qo‘llanilishi

Kelib chiqishi turlicha bo‘lgan nerv tizimining kasalliklari va sindromlarini: nevralgiya, nevrit, yuz nervining parezi, retrobul’bar nevrit, ganglionitlar (shu jumladan o‘rab oluvchi temiratki), pleksopatiya, neyropatiya, polineyropatiya (diabetik, alkogolli va boshq.), tungi mushak tirishishlari, ayniqsa keksa yosh guruhlaridagi, umurtqa pog‘onasi osteoxondrozini nevrologik ko‘rinishlari: radikulopatiya, lyumboishalgiya, mushak-tonik sindromlarini majmuaviy davolash tarkibida patogenetik va simptomatik vosita sifatida qo‘llanadi.

Qo‘llash usuli va dozalari

In’eksiya mushak ichiga chuqur qilinadi, kuniga bir maxal.

Yaqqol og‘riq sindromi hollarida qonda preparatning yuqori darajasiga tez erishish uchun davolashni 5-10 kun davomida har kuni 2,0 ml dan boshlash maqsadga muvofiq. Keyinchalik og‘riq sindromi kamayganidan keyin va kasallikning yengil shakllarida, ichga qabul qilish uchun dori shakliga yoki in’eksiya kamaytirish (2-3 xavta davomida xaftasiga 2-3marta) ga davolashni ichga qabul qilish uchun dori shakli bilan davom ettirish mumkin. Shifokor tomonidan davolashni har haftada nazorat qilish tavsiya etiladi. Ichga qabul qilish uchun dori shakli bilan davolashga o‘tishni, mumkin bo‘lgan eng qisqa muddatda amalga oshirish tavsiya etiladi.

Nojo‘ya ta’sirlari

Noxush nojo‘ya reaksiyalarning paydo bo‘lishini tez-tezligi JSST tasnifiga muvofiq keltirilgan:

Juda tez-tez10 nafar davolanayotganlardan 1tadan ko‘proq
Tez-tez10 nafar davolanayotganlardan 1tadan kamroq, lekin 100 nafaridan 1tadan ko‘proq
Tez-tez emas100 nafar davolanayotganlardan 1tadan kamroq, lekin 1000 nafaridan 1tadan ko‘proq
Kam hollarda1000 nafar davolanayotganlardan 1tadan kamroq, lekin 10000 nafaridan 1tadan ko‘proq
Juda kam hollarda10000 nafardan 1tadan kamroq, shu jumladan alohida hollar ham

*alohida hollarda – simptomlari noma’lum tez-tezlik bilan namoyon bo‘ladi.

Immun tizimi tomonidan:

Kam hollarda: allergik reaksiyalar (teri toshmasi, nafasni qiyinlashishi, anafilaktik shok, Kvinke shishi).

Nerv tizimi tomonidan:

Alohida hollarda: bosh aylanishi, ongni chalkashishi;

Yurak-tomir tizimi tomonidan:

Juda kam: taxikardiya;

Alohida hollarda: bradikardiya, aritmiya;

Me’da-ichak yo‘llari tomonidan:

Alohida hollarda: qusish;

Teri va teri osti kletchatkasi tomonidan:

Juda kam hollarda: ko‘p terlash, akne, qichishish, eshakemi;

Suyak-mushak va biriktiruvchi to‘qima tomonidan:

Alohida hollarda: tirishishlar;

Umumiy buzilishlar va yuborish joyidagi buzilishlar:

Alohida hollarda: preparat yuborilgan joyda ta’sirlanish paydo bo‘lishi mumkin;

Tez yuborilganida va doza oshirib yuborilganida tizimli reaksiyalar kuzatilishi mumkin. Agar yo‘riqnomada ko‘rsatilgan nojo‘ya samaralaridan birontasi yomonlashsa, yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Qo‘llash mumkin bo‘lmagan holatlar

Homiladorlik va emizish davri («Homiladorlik va emizish davrida qo‘llanishi» bo‘limiga qarang). 16 yoshgacha bo‘lgan bolalar. Dekompensasiyalangan yurak yetishmovchiligi. Preparatning komponentlariga shaxsiy yuqori sezuvchanlikda qo‘llash mumkin emas.

Dorilarning o‘zaro ta’siri

Sul’fitlarni saqlovchi eritmalarda tiamin butunlay parchalanadi. Va oqibatda, tiaminni parchalanishini mahsulotlari boshqa vitaminlarning ta’sirini faolsizlantiradi. Tiamin oksidlovchi-qaytaruvchi birikmalar bilan nomutanosib, shu jumladan: yoditlar, karbonatlar, asetatlar, tanin kaslotasi, ammoniy temir sitrati, fenobarbital, riboflavin, benzilpenisillin, dekstroza, desul’fitlar va boshq., mis tiaminni parchalanishini tezlashtiradi; bundan tashqari tiamin rN qiymati oshganida (3 dan ko‘proq) o‘zining samaradorligini yo‘qotadi. Piridoksinning terapevtik dozalari bir vaqtda qabul qilinganida levodopaning samarasini susaytiradi (levodopaning antiparkinsonik ta’siri yo‘qoladi). Shuningdek sikloserin, penisillam, izoniazin bilan o‘zaro ta’siri kuzatiladi. Lidokain parenteral qo‘llanganida norepinefrin qo‘shimcha ishlatilganida, yurakka nojo‘ya ta’siri kuchayishi mumkin. Shuningdek sul’fonamidlar bilan o‘zaro ta’siri kuzatiladi. Sianokobalamin og‘ir metall tuzlari bilan nomutanosib. Riboflavin shuningdek destruktiv ta’sir ko‘rsatadi, ayniqsa yorug‘lik bir vaqtda ta’sir qilganida; nikotinamid fotolizni tezlashtiradi, antioksidantlar esa ingibirlovchi ta’sir ko‘rsatadilar.

Maxsus ko‘rsatmalar

Tasodifan vena ichiga yuborilganida bemor shifokor nazorati ostida bo‘lishi yoki simptomlarining og‘irligiga qarab, gospitalizasiya qilinishi kerak.

Homiladorlik va emizish davrida qo‘llanishi

Preparatni homiladorlik va emizish davrida qo‘llash mumkin emas («Qo‘llash mumkin bo‘lmagan holatlar» bo‘limiga qarang).

Avtotransportni yoki boshqa mexanizmlarni boshqarishda reaksiya tezligiga ta’sir qilish qobiliyati

Transport vositalarini haydovchilari va potensial xavfli mexanizmlar bilan ishlovchi shaxslar tomonidan preparatni qo‘llashga nisbatan ogohlantirishlar bo‘yicha ma’lumot yo‘q.

Dozani oshirib yuborilishi

Dozani oshirib borilishini davolash preparatni bekor qilish va simptomatik davolashdan iborat.

Chiqarilish shakli

In’eksiya uchun 2 ml eritma kontur uyali o‘ramlarda.

Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin. Preparat bolalar ololmaydigan joyda saqlansin.

Yaroqlilik muddati

2 yil. Yaroqlilik muddati o‘tgandan keyin qo‘llanilmasin.

Dorixonalardan berish tartibi

Resept bo‘yicha.

Kostaferol –ichish uchun tomchilar

TIBBIYOTDA QO‘LLANILISHIGA DOIR YO‘RIQNOMA

KOSTAFEROL

Preparatning savdo nomi: Kostaferol

Ta’sir etuvchi modda (XPN): Xolikal’siferol

Dori shakli: Ichish uchun tomchilar

Tarkibi:

1 ml eritma quyidagilarni saqlaydi:

Ta’sir etuvchi modda: Xolekal’siferol – 15 000 XB

Yordamchi moddalar: Makrogol glisirilrisinoleat, saxaroza, natriy gidrofosfat dodekagidrati, limon kislota monogidrati, arpabodiyon xushbo‘yi, benzil spirti, tozalangan suv.

Ta’rifi: Rangsiz, tiniq yoki biroz tovlanuvchi, arpabodiyon xidli suyuqlik.

Farmakoterapevtik guruxi: Vitaminlar

ATX kodi: A11CC05

Farmakologik xususiyatlari

Farmakodinamikasi

D3 vitaminining suvli eritmasi, yog‘li eritmasiga qaraganda yaxshiroq so‘riladi (bu muddatidan oldin tug‘ilgan bolalarda qo‘llanganida ahamiyatga ega). Og‘iz orqali qo‘llanilganidan so‘ng kolekal’siferol ingichka ichakda so‘riladi. Jigar va buyraklarda metabolizmga uchraydi. Kolekal’siferolning qondan yarimchiqarilish davri bir necha kunni tashkil qiladi va buyrak yetishmovchiligida uzayishi mumkin. Preparat yo‘ldosh to‘sig‘i orqali va ona sutiga o‘tadi. Organizmdan siydik va ahlat bilan chiqariladi.

Farmakokinetikasi

D3 vitamini raxitga qarshi faol omildir. D vitaminining eng muhim funksiyasi kal’siy va fosfatlarning metabolizmini boshqarish hisoblanadi, bu skeletning minerallanishi va o‘sishiga yordam beradi. D3 vitamini odamda quyosh nurlarining ta’siri ostida terida hosil bo‘ladigan D vitaminining tabiiy shakli hisoblanadi. Ichakdan kal’siy va fosfatlarni so‘rilishida, mineral tuzlarni tashilishida va suyaklarni kal’sifikasiyasi jarayonida muhim rol’ o‘ynaydi, shuningdek buyraklar orqali kal’siy va fosfatlarni chiqarilishini boshqaradi. Kal’siy ionlarining konsentratsiyasi skelet mushaklarining tonusini tutib turish, nerv ko‘zg‘aluvchanligini o‘tkazish, qon ivishi jarayoni bilan bog‘lik qator muhim biokimyoviy jarayonlarga ta’sir qiladi. D vitamini shuningdek limfokinlarni ishlab chiqarilishiga ta’sir qilib, immun tizimining ish faoliyatida qatnashadi.

Qo‘llanilishi

  • D vitaminining tanqisligini oldini olish va davolash
  • raxitni oldini olish va davolash
  • raxitga o‘xshash kasalliklarni (nasliy tubulopatiyalar) oldini olish va davolash
  • gipokal’semik tetaniya
  • osteomalyasiyalar va suyaklar metabolizmining buzilishi bilan birga kechuvchi kasalliklar (gipoparatireoz va soxta gipoparatireoz kabilar)
  • osteoporozni, shu jumladan postmenopauzal osteoporozni majmuaviy davolash.

Qo‘llash usuli va dozalari

Preparat og‘iz orqali oz miqdordagi suyuqlik bilan qabul qilinadi.

1 tomchi taxminan 500 XB D3 vitamini saqlaydi.

Preparat kuyidagi dozalarda ishlatiladi:

Oldini olish:

  • muddatida tug‘ilgan chaqaloqlar xayotining 3-4 xaftasidan boshlab, 2-3 yoshgacha to‘g‘ri parvarish qilish va ochiq havoda yetarlicha bo‘lganda: sutkada 500-1000 XB (1-2 tomchi)
  • muddatidan oldin tug‘ilgan bolalarda xayotining 7-10 kunlikdan boshlab, yomon xayotiy sharoitlarda bo‘lgan egizaklar va chaqaloqlar: sutkada 1000-1500 XB (2-3 tomchi). Yilning yozgi mavsumida
    dozani sutkada 500 XB (1 tomchigacha) cheklash mumkin.
  • homilador ayollar: homiladorlikning butun davri vaqtida kundalik doza sutkada 500 XB (1 tomchi) D3 vitamini yoki homiladorlikning 28 xaftasidan boshlab sutkada 1000 XB (2 tomchi) qabul
    qilinadi.
  • menopauzadan keyingi davrda sutkada 500-1000 XB (1-2 tomchi).

Terapevtik dozalari:

  • raxitda: raxitning og‘irlik darajasi (I, II yoki III) va kechish variantiga qarab, har kuni 2000-5000 XB (4-10 tomchi) dan, 4-6 hafta davomida klinik holat, qon va siydikning biokimyoviy ko‘rsatkichlarini (kal’siy, fosfor, ishqoriy fosfataza) sinchkov nazorati ostida. 3-5 kun davomida 2000 XB dan boshlanadi. So‘ngra yaxshi o‘zlashtirilganida doza shaxsiy davolash dozasigacha (ko‘pincha 3000 XB) oshiriladi. 5000 XB doza yaqqol suyak o‘zgarishlardagina buyuriladi.

Zarurat tug‘ilganda bir xaftalik tanaffusdan so‘ng davolash ko‘rsini takrorlash mumkin.

Davolash yaqqol davolash samarasiga erishilguncha o‘tkaziladi, keyinchalik sutkada 500-1500 XB profilaktik dozaga o‘tiladi.

  • raxitga o‘xshash kassaliklarni davolashda: yoshi, tana vazni va kasallikning og‘irligiga qarab sutkada 20 000-30 000 XB (40-60 tomchi), qonning biokimyoviy ko‘rsatkichlari va siydik taxlilini nazorati ostida. Davolash kursi 4-6 xafta.

Davolash shifokor nazorati ostida o‘tkaziladi.

  • menopauzadan keyingi osteoporozni majmuaviy davolashda: sutkada 500-1000 XB (1-2 tomchi).

Dozalash odatda ovqat bilan kirayotgan D vitaminining miqdorini hisobga olgan holda buyuriladi.

Nojo‘ya ta’sirlari

Tavsiya etilgan dozalarda qo‘llanganida qayd etilmaydi.

D3 vitaminiga kam hollarda qayd etiladigan shaxsiy yuqori sezuvchanlikda yoki uzoq vaqt davomida xaddan tashqari katta dozalarni qo‘llash natijasida D3 gipervitaminozi paydo bo‘lishi mumkin:

  • ishtahani yo‘qolishi, ko‘ngil aynishi, qusish
  • bosh, mushak va bo‘g‘im og‘riqlari
  • qabziyat, og‘izni qurishi, poliuriya
  • ruhiyatni buzilishi, shu jumladan depressiya, tana vaznining kamayishi, qonda kal’siy miqdorini va uni peshob bilan chiqarilishining oshishi
  • buyraklarda toshlarni hosil bo‘lishi va yumshoq to‘qimalarni kal’sifikasiyasi.

Qo‘llash mumkin bo‘lmagan xolatlar

  • D gipervitaminozi
  • qon va siydikda kal’siyning yuqori darajasi
  • kal’siyli buyrak toshlari
  • sarkoidoz
  • preparatning komponentlariga, ayniqsa benzil spirtiga yuqori sezuvchanlik
  • jigar va buyrak yetishmovchiligi.

Dorilarning o‘zaro ta’siri

Tutqanoqqa qarshi vositalar, rifampisin, xolestiramin D3 vitaminining so‘rilishini pasaytiradi. Tiazid diuretiklari bilan bir vaqtda qo‘llash giperkal’siemiyani namoyon bo‘lishi xavfini oshiradi.

Yurak glikozidlari bilan bir vaqtda qo‘llash, ularning zaxarli ta’sirini kuchaytirishi mumkin (yurak ritmining buzilishlarini namoyon bo‘lishi xavfi oshadi).

Maxsus ko‘rsatmalar

Dozani oshirib yuborishga yo‘l qo‘ymaslik kerak. Aniq ehtiyojni shaxsiy ravishda ta’minlashda bu vitaminni mumkin bo‘lgan barcha manbalarni hisobga olish lozim.

D3 vitaminning davomiy qo‘llangan xaddan tashqari yuqori dozalar yoki zarb dozalari, surunkali D3 gipervitaminozning sababi bo‘lishi mumkin. Bolaning D vitaminiga sutkalik extiyoji va uni qo‘llash usuli shifokor tomonidan shaxsiy ravishda belgilanishi va xar safar davriy tekshiruvlar vaqtida, ayniqsa hayotning ilk oylarida, to‘g‘rilashlar kiritilishi lozim.

Xarakatsiz bemorlarda extiyotkorlik bilan qo‘llash lozim.


D3 vitamini bilan bir vaqtda kal’siy preparatlarini katta dozalarda qo‘llash mumkin emas. Davolash qon va siydikda kal’siy miqdorini davriy nazorati ostida olib boriladi. Preparat keksa yoshli shaxslarga buyurilganida extiyotkorlikka amal qilish lozim, chunki bu toifa shaxslarda kal’siyning organizmda to‘planishi kuchayadi.

Homiladorlik va laktasiya.

Homiladorlik davrida, dozani oshirib yuborish hollarida teratogen ta’sirini ko‘rinishlari yuz berishi mumkinligi tufayli, D3 vitaminini katta dozalarda qo‘llash mumkin emas.

Bola emizadigan ayollarga D3 vitaminini ehtiyotkorlik bilan buyurish lozim – ona tomonidan yuqori dozalarda qabul qilingan preparat, bolada dozani oshirib yuborish simptomlarini chiqarishi mumkin.

Transport vositalarni boshqarish va mexanik moslamalarga xizmat ko‘rsatish qobiliyatiga ta’siri.

Ta’sir qilmaydi.

Dozani oshirib yuborilishi

Simptomlari: ishtahani pasayishi, ko‘ngil aynishi, qusish, qabziyat, bezovtalik, chanqoqlik, poliuriya, ich ketishi, ichak sanchig‘i. Eng ko‘p uchraydigan simptomlari bosh, mushak va bo‘g‘im og‘riqlari, ruhiyatni buzilishi, shu jumladan depressiya, stupor, ataksiya va rivojlanib boruvchi tana vaznini yo‘qotilishidir. Al’buminuriya, eritrosituriya va poliuriya, kaliyni yuqori yo‘qotilishi, gipostenuriya, nikturiya va arterial bosimni oshishi bilan kechuvchi buyraklar faoliyatini buzilishi rivojlanadi. Og‘ir hollarda shox pardaning xiralashishi, kam hollarda ko‘rish nervi so‘rg‘ichining shishi, xatto katarakta rivojlanishigacha bo‘lgan rangdor pardani yallig‘lanishi paydo bo‘lishi mumkin. Buyrakda toshlar hosil bo‘lishi mumkin, yumshoq to‘qimalarni shu jumladan, qon tomirlari, yurak, o‘pka va terini kal’siylanishi ro‘y beradi. Kam hollarda xolestatik sariqlik rivojlanadi.

Davolash: preparatni qo‘llashni to‘xtatish kerak. Shifokorga murojaat qilish kerak. Ko‘p miqdorda suyuqlik ichish. Lozim bo‘lsa gospitalizasiya talab qilinishi mumkin.

Chiqarilish shakli

Ichga qabul qilish uchun tomchilar 15 000 XB/ml 10 ml, 20 ml, 30 ml dan flakon-tomchilagichlar, flakonlar.

Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor reseptisiz beriladi.

×