Kandiflyu® Neo – kapsulalar

TIBBIYOTDA QO‘LLANILISHIGA DOIR YO‘RIQNOMA

KANDIFLYU® NEO

Preparatning savdo nomi: Kandiflyu® Neo

Ta’sir etuvchi modda (XPN): Flukonazol

Dori shakli: Kapsulalar 150 mg dan

Tarkibi:

1 kapsula quyidagilarni saklaydi:

faol modda: Flukonazol – 150 mg;

yordamchi moddalar: shakar, laktoza, aerosil, kartoshka kraxmali yoki makkajuxori kraxmali, kal’siy stearat yoki magniy stearat

Ta’rifi: Oq yoki deyarli oq rangli, hidsiz kukun bilan to‘ldirilgan qattiq jelatin oq rangli kapsulalar.

Farmakoterapevtik guruxi: Zamburug‘larga qarshi vosita.

ATX kodi: J02AC01

Farmakologik xususiyatlari

Flukonazol triazol zamburug‘larga qarshi vositalar sinfining yangi vakili. Zamburug‘larning sitoxrom R450 ga bog‘liq fermentlarining faolligini susaytirib, yukori spesifik ta’sirga ega. Zamburug‘ xujayralarining lanosterolini ergosterolga aylanishini bloklaydi; xujayra membranasining o‘tkazuvchanligini oshiradi, uning o‘sishi va replikasiyasini buzadi. Flukonazol zamburug‘larning sitoxrom R450 uchun yuqori tanlovchisi bo‘lib, odam organizmida bu fermentlarni deyarli susaytirmaydi (itrakonazol, klotrimazol, ekonazol va ketokonazol bilan solishtirganda, odam jigari mikrosomalarida sitoxrom R450 ga bog‘liq oksidlanish jarayonlarini kamrok darajada bostiradi). Antiandrogen faollikka ega emas.

Opportunistik mikozlarda, shu jumladan Candida spp. chaqirgan (shu jumladan immunodepressiya fonidagi kandidozning yoyilgan shakllari), Cryptococcus neoformans va Coccidioides immitis (shu jumladan bosh miya ichki infeksiyalari), Micosporum spp. va Trichophyton spp.; Blastomyces dermatidis, Histoplasma capsulatum chaqirgan endemik mikozlarda (shu jumladan immunodepressiyadagi) faol.

Farmakokinetikasi

So‘rilishi:

Ichga qabul qilinganidan keyin flukonazol yaxshi so‘riladi. Bir vaqtda ovqat qabul qilish, ichga qabul
qilinganida preparatning so‘rilish tezligiga ta’sir qilmaydi. 150 mg flukonazol och qoringa ichga qabul
qilinganidan keyin maksimal konsentratsiyaga (TSmax) erishish vaqti – 0,5-1,5 soat va 2,5-3,5 mg/l dozada
vena ichiga yuborilganidagi plazma konsentratsiyasidan 90% ni tashkil qiladi.

Taqsimlanishi:

Plazmadagi konsentratsiyasi bevosita dozaga bog‘liq bo‘ladi. Preparatning plazmadagi muvozanat
konsentratsiyasiga (Css) qabul qilishning 4-5-nchi kunlarida erishiladi (sutkada 1 marta qabul
qilinganida). Odatdagi sutkalik dozadan ikki marta yuqori bo‘lgan «zarb» dozani yuborish (birinchi kuni),
2-nchi kuni muvofiq 90% Css konsentratsiyasiga erishish imkoniyatini beradi. Organizmning barcha
suyuqliklariga yaxshi kiradi. Faol moddaning ko‘krak suti, bo‘g‘im suyuqligi, so‘lak, balg‘am va peritoneal
suyuqligidagi konsentratsiyasi plazmadagi bilan o‘xshash. Qin sekretidagi doimiy kiymatlarga ichga qabul
qilgandan keyin 8 soat o‘tgach erishiladi va shu darajada kamida 24 soat tutib turiladi. Orqa miya
suyuqligiga (OMS) yaxshi kiradi, zamburug‘li meningitda OMS konsentratsiyasi plazmadagining taxminan
85% ni tashkil qiladi. 50 mg doza sutkada 1 marta qabul qilinganida 12 kundan keyin flukonazolning
konsentratsiyasi 73 mkg/g ni tashkil qilgan, davolash to‘xtatilganidan keyin 7 kun o‘tgach esa u 5,8 mkg/g ni
tashkil qilgan. Ichga 150 mg xaftada 1 marta qabul qilgandan keyin – 7-nchi kuni terining shox qavatidagi
flukonazolning konsentratsiyasi 23,4 mkg/g ni, ikkinchi doza qabul qilgandan keyin 7 kun utgach esa – 7,1
mkg/g ni tashkil qilgan.

150 mg dozada xaftada 1 marta 4-oylik qo‘llashdan keyin tirnokdardagi konsentratsiyasi sog‘lom
tirnoqlarda – 4,05 mkg/g, shikastlanganlarda – 1,8 mkg/g. Davolash yakunlanganidan keyin 6 oy utgach,
flukonazol oldingidek tirnoqlarda aniqlanadi.

Taqsimlanishning taxmin qilingan xajmi (Vd) organizmdagi xujayra tashqarisidagi suyuqlikning
umumiy miqdoriga yaqinlashadi. Plazma oksillari bilan bog‘lanishi past – 11-12%.

Metabolizmi va chiqarilishi:

Yarim chiqarilish davri (T1/2) – 30 soat. Jigarda CYP2C9 izofermentning ingibitori hisoblanadi.

Asosan buyraklar orqali (80% – o‘zgarmagan xolda, 11% – metabolitlari ko‘rinishida) chiqariladi.

Flukonazolning klirensi kreatinin klirensiga proporsional. Flukonazolning farmakokinetikasi buyraklarning funksional xolatiga axamiyatli darajada bog‘liq bo‘lib, bunda T1/2 va kreatinin klirensi (KK) orasida teskari bog‘liqdik mavjud. 3 soat davomidagi gemodializdan keyin flukonazolning plazmadagi konsentratsiyasi 50% ga pasayadi.

Flukonazolning farmakokinetikasi vena ichiga yuborilganida va ichga qabul qilinganida o‘xshash, bu
qabul qilishni biridan boshqasiga yengil utish imkonini beradi.

Qo‘llanilishi

Shilliq qavatlarning kandidozi: og‘iz bo‘shlig‘i, tomoq, qizilo‘ngach, noinvaziv bronx-o‘pka kandidozlari, kandiduriya, teri-shilliq qavati va surunkali peroral atrofik kandidoz (tish protezlarini taqish bilan bog‘liq bo‘lgan).

Genital kandidoz: vaginal (o‘tkir va qaytalanuvchi). Kandidoz balanit. Vaginal kandidozning kaytalanishlari tez-tezligini (yiliga uch va ko‘prok epizodlar) kamaytirish maqsadida profilaktik qo‘llash.

Xavfli o‘smalari bo‘lgan bemorlarda ximio- va nurli davolash fonida zamburug‘li infeksiyalarni oldini olish; OITS bo‘lgan bemorlarda orofaringeal kandidozning kaytalanishlarini oldini olish.

Teri mikozlari: oyok panjalari, tana, chov soxasi, onixomikoz, kepaksimon temiratki, terining
kandidozli infeksiyalarida qo‘llanadi.

Qo‘llash usuli va dozalari

Ichga buyuriladi.

Orofarengial kandidozda preparat odatda 50-100 mg dan sutkada 1 marta buyuriladi; davolashning davomiyligi – 7-14 kun. Zarurati bo‘lganida, immunitetni yaqqol pasayishi bo‘lgan bemorlarda davolash davomlirok bo‘lishi mumkin. OITS bo‘lgan bemorlarda orofarengial kandidozning qaytalanishlarini oldini olish uchun, birlamchi davolashning to‘liq kursi yakunlanganidan keyin, preparat 150 mg dan xaftada 1 marta buyurilishi mumkin.

Vaginal kandidozda flukonazol bir marta ichga 150 mg dozada qabul qilinadi. Vaginal kandidozning qaytalanishlari tez-tezligini pasaytirish uchun preparat 150 mg dozada oyda 1 marta ishlatilishi mumkin. Davolashning davomiyligi shaxsiy ravishda belgilanadi; u 4 dan 12 oygacha o‘zgaradi. Ayrim bemorlarga tez-tezrok qo‘llash talab qilinishi mumkin.

Candida spp. chaqirgan balanitda, flukonazol ichga bir marta 150 mg dozada buyuriladi.

Kandidozni oldini olish uchun zamburug‘li infeksiyani rivojlanish xavfini darajasiga qarab, flukonazolning tavsiya etiladigan dozasi sutkada 1 marta 50-400 mg ni tashkil qiladi. Tarqalgan infeksiyaning yuqori xavfi bo‘lganida, masalan kutilayotgan yaqqol yoki uzoq muddat saqlanayotgan neytropeniyali bemorlarda, tavsiya etilgan doza sutkada 1 marta 400 mg ni tashkil qiladi. Flukonazol kutilayotgan neytropeniyadan bir necha kun oldin; neytrofillar soni 1000/mm dan ko‘proqqa oshganidan keyin yana 7 sutka davomida buyuriladi.

Teri mikozlarida, shu jumladan, oyoq panjalari, nov soxasining terisini mikozlari va terining kaididozlarida tavsiya etiladigan doza 150 mg xaftada 1 marta yoki 50 mg sutkada 1 martani tashkil qiladi. Davolash davomiyligi odatdagi xollarda 2-4 xaftani tashkil qiladi, lekin oyok panjalarining mikozlarida davomlirok (6 xaftagacha) davolash talab qilinishi mumkin.

Kepaksimon temiratkida – 300 mg xaftada 1 marta 2 xafta davomida, ayrim bemorlarga xaftada 300 mg uchinchi doza talab qilinishi mumkin, shu vaqtning o‘zida bir qism hollarda 300 mg – 400 mg bir marta qabul qilish yetarli bo‘ladi; davolashning muqobil tartibi 50 mg dan kuniga 1 marta 2-4 xafta davomida qo‘llash hisoblanadi.

Onixomikozda tavsiya qilingan doza 150 mg xaftada 1 martani tashkil qiladi. Davolashni infeksiyalangan tirnoq almashgunicha (infeksiyalanmagan tirnoq o‘sib chiqqunicha) davom ettirish kerak. Qo‘llar va oyoq panjasi barmoqlarida tirnoqlarni takroriy o‘sishi uchun muvofiq 3-6 oylar va 6-12 oylar talab qilinadi. Lekin o‘sish tezligi turli odamlarda, shuningdek yoshga qarab keng chegaralarda o‘zgarishi mumkin.

Bolalarda kattalardagi o‘xshash infeksiyalardagi kabi, davolashning davomiyligi klinik va mikologik samaraga bog‘liq. Bolalarda preparatni kattalardagidan, ya’ni sutkada 400 mg dan ko‘p bo‘lmagan yuqori sutkalik dozalarda qo‘llash mumkin emas.

Preparat xar kuni sutkada 1 marta qo‘llanadi.

Qizilungach kandidozida bolalarda flukonazol bir marta 3 mg/kg sutkalik dozada, quyidagi o‘rtacha dozalarda buyuriladi: 3-6 yoshda (tana vazni 15-20 kg) – 50 mg; 7-9 yoshda (tana vazni 21-29 kg) – 50-100 mg; 10- 12 yoshda (tana vazni 30-40 kg) – 100-150 mg; 12-15 yoshda (tana vazni 40-50 kg) – 100-150 mg. Davolash davomiyligi – kamida 3 xafta va simptomlar regresiyasidan keyin yana 2 xafta davomida.

Shilliq qavatlarning kandidozida bolalarda flukonazol bir marta 3 mg/kg sutkalik dozada, quyidagi urtacha dozalarda buyuriladi: 3-6 yoshda (tana vazni 15-20 kg) – 1-nchi kuni 100-150 mg, keyin – 50 mg dan; 7-9 yoshda (tana vazni 21-29 kg) – 1-nchi kuni -100-200 mg, keyin – 100 mg dan; 10-12 yoshda (tana vazni 30-40 kg) – 1- nchi kuni – 100-150 mg, keyin – 100 mg dan; 12-15 yoshda (tana vazni 40-50 kg) – 1-nchi kuni – 250-300 mg, keyin – 100-150 mg dan.

Davolash davomiyligi – kamida 3 xafta.

Yoyilgan kandidozda va kriptokokkli infeksiyada (shu jumladan meningitda) bolalarda flukonazol bir marta 6-12 mg/kg sutkalik dozada, quyidagi o‘rtacha dozalarda buyuriladi: 3-6 yoshda (tana vazni 15-20 kg) – 100-250 mg; 7-9 yoshda (tana vazni 21-29 kg) – 100-300 mg; 10-12 yoshda (tana vazni 30-40 kg) – 200-350 mg; 12-15 yoshda (tana vazni 40-50 kg) – 250-400 mg. Davolash davomiyligi – 10-12 xafta davomida (likvorda qo‘zg‘atuvchilarning yo‘qligi laboratoriyada tasdiqlanmagunicha) Immuniteti pasaygan bolalarda zamburug‘li infeksiyalarni oldini olish uchun, ularda infeksiyani rivojlanish xavfi sitotoksik ximioterapiya yoki nur bilan davolash natijasida rivojlanayotgan neytropeniya bilan bog‘liq, flukonazol induksiyalangan neytropeniyaning yaqqolligi va saqlanishini davomiyligiga qarab, quyidagi o‘rtacha dozalarda buyuriladi: 3-6 yoshda (tana vazni 15-20 kg) – 50-250 mg; 7-9 yoshda (tana vazni 21- 29 kg) – 50-300 mg; 10-12 yoshda (tana vazni 30-40 kg) – 100-350 mg; 12-15 yoshda (tana vazni 40-50 kg) – 100-400 mg.

Davolash davomiyligi – induksiyalangan neytropeniya bartaraf qilingunicha.

Buyrak funksiyasi buzilishlari bo‘lgan bolalarda preparatning sutkalik dozasini, buyrak yetishmovchiligining yaqqollik darajasiga muvofiq kamaytirish kerak (kattalardagi kabi proporsional bog‘liqlikda).

Keksa yoshli bemorlarda buyrak funksiyasi buzilishlari bo‘lmaganida, preparatni dozalashni odatdagi tartibiga amal qilish kerak. Buyrak yetishmovchiligi (kreatinin klirensi minutiga 50 ml dan kam) bo‘lgan bemorlarda, dozalash tartibini quyida ko‘rsatilgandek to‘g‘rilash kerak.

Buyrak funksiyasi buzilishi bo‘lgan bemorlarda preparatni qo‘llash. Flukonazol asosan siydik bilan o‘zgarmagan xolda chiqariladi. U bir marta qabul qilinganida dozani o‘zgartirish talab qilinmaydi. Buyrak faoliyati buzilgan bemorlarga preparat takror buyurilganida, dastlab 50 mg dan 400 mg gacha bo‘lgan «zarb» dozani yuborish kerak. Agar kreatinin klirensi (KK) minutiga 50 ml ni tashkil qilsa, preparatning odatdagi dozasi (tavsiya etilgan dozaning 100%) sutkada bir marta qo‘llanadi. KK minutiga 11 dan 50 ml gacha bulsa, tavsiya etilgan dozaning 50% ga teng doza qo‘llanadi. Muntazam dializda bo‘lgan bemorlarda preparatning bir dozasi xar bir gemodializ seansidan keyin qo‘llanadi.

Nojo‘ya ta’sirlari

Ovqat xazm qilish tizimi tomonidan: ta’mni o‘zgarishi, qusish, ko‘ngil aynishi, diareya, meteorizm, qorin og‘rig‘i, jigar funksiyasi buzilishi (sariqlik, giperbilirubinemiya, alaninaminotransferaza, aspartataminotransferaza, ishkoriy fosfataza faolligini oshishi, gepatit, gepatosellyulyar nekroz), shu jumladan o‘lim bilan yakunlanuvchi.

Nerv tizimi tomonidan: bosh og‘rig‘i, bosh aylanishi, tirishishlar.

Yurak-qon tomir tizimi tomonidan: Q-T intervali davomiyligini oshishi, yurak qorinchalarini xilpillashi/titrashi.

Qon yaratish a’zolari tomonidan: leykopeniya, trombositopeniya, neytropeniya, agranulositoz.

Allergik reashiyalar: teri toshmasi, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), anafilaktoid reaksiyalar (shu jumladan angionevrotik shish, yuzning shishi, eshakemi, terini kichishishi).

Boshqalar: buyrak funksiyasi buzilishi, alopesiya, giperxolesterinemiya, gipertrigliseridemiya, gipokaliemiya.

Qo‘llash mumkin bo‘lmagan holatlar

Terfenadin (sutkada 400 mg va ko‘proq dozada flukonazolni doimiy qabul qilish fonida), astemizol va Q-T intervalini uzaytiruvchi boshqa preparatlarni bir vaqtda qabul qilish.

Sizapridni bir vaqtda qabul qilish.

Preparatga yoki tuzilishi buyicha yaqin azolli birikmalarga yuqori sezuvchanlik.

Laktozani uzlashtiraolmaslik, laktaza tanki sligi yoki glyukozo-galaktaz mal’absorbsiya.

3 yoshgacha bo‘lgan bolalarda (ushbu dori shakli uchun) qo‘llash mumkin emas.

Extiyotkorlik bilan: jigar va/yoki buyrak yetishmovchiligi, yuzaki zamburug‘li infeksiyasi va invaziv/tizimli zamburug‘li infeksiyalari bo‘lgan pasientlarda flukonazolni qo‘llash fonida toshma paydo bo‘lishi, ko‘p sonli xavf omillari (yurakning organik kasalliklari, elektrolit muvozanatini buzilishi, aritmiya chaqiruvchi dori vositalarini bir vaqtda qabul qilish) bo‘lgan potensial proaritmogen xolatlar, potensial gepatotoksik preparatlarni bir vaqtda qabul qilish, alkogolizm. Terfenadinni va flukonazolni sutkada 400 mg dan kamroq dozada bir vaqtda qabul qilish.

Dorilarning o‘zaro ta’siri

Antikoagulyantlar. Flukonazol kumarin antikoagulyantlarining (masalan, varfarinning) protrombin vaqtini o‘rtacha 12% ga oshiradi, shuning uchun flukonazol va kumarin antikoagulyantlarni qabul kilayotgan bemorlarda protrombin vaqtini sinchiklab nazorat qilish kerak.

Sul’fonilmochevina preparatlari. Flukonazol va sul’fonilmochevinaning peroral preparatlari (xlorpropamid, glibenklamid, glipizid va tolbutamid) bir vaqtda qabul qilinganida, ushbu preparatlarning yarim chiqarilish davri uzayadi, bu gipoglikemiyaga olib kelishi mumkin. Qondagi glyukozaning konsentratsiyasini vaqti-vaqti bilan nazorat qilish va zarurati bo‘lganida gipoglikemik dori vositalarining dozasiga tuzatish kiritish kerak.

Gidroxlortiazid. Flukonazolning plazmadagi konsentratsiyasini 40% ga oshiradi, lekin bu bir vaqtda diuretiklarni qabul qilayotgan bemorlarda flukonazolning dozalash tartibini o‘zgartirishni talabqilmaydi.

Fenitoin. Flukonazol va fenitoinni bir vaqtda qabul qilish, fenitoinning konsentratsiyasini klinik axamiyatli darajagacha oshishi bilan birga kechadi. Shuning uchun fenitoinning darajasini monitorlash va zardobdagi terapevtik konsentratsiyasini ta’minlash uchun uning dozasini tanlash kerak.

Peroral kontraseptivlar. Flukonazolni ko‘p marta qo‘llash (50-200 mg dozalarda) majmuaviy xomiladorlikka qarshi vositalarning samaradorligiga ta’sir ko‘rsatmaydi.

Rifampisin. Flukonazol va rifampisinni bir vaqtda qo‘llash, flukonazolning «konsentratsiya-vaqt» egri chizigi ostidagi maydonni 25% ga va yarim chiqarilish davri davomiyligini 20% ga pasayishiga olib kelgan. Ular bir vaqtda buyurilganida flukonazolning dozasini oshirish kerak.

Siklosporin. Sutkada 200 mg dozada flukonazol bilan davolashda, qonda siklosporinning konsentratsiyasi oshadi.

Teofillin. Flukonazol teofillinning yarim chiqarilish davrini uzaytiradi va intoksikasiya rivojlanishi xavfini oshiradi (uning dozasiga tuzatish kiritish kerak).

Terfenadin. Sutkada 400 mg va kuprok flukonazolni terfenadin bilan bir vaqtda qabul qilish mumkin emas. Sutkada 400 mg dan kamrok dozalarda flukonazol va terfenadin bilan birga davolashni shifokorning sinchkov nazorati ostida o‘tkazish kerak.

Sizaprid. Flukonazol va sizaprid bir vaqtda qabul qilinganida – yurak tomonidan noxush reaksiyalar, shu jumladan yurak korinchalari taxikardiyasini paroksizmlari (torsades de pointes) kuzatiladi.

Nifabutin. Uveit xollari ta’riflangan.

Takrolimus. Takrolimusning konsentratsiyasini oshiradi, shuning uchun nefrotoksik ta’sirining xavfi oshadi.

Zidovudin. Flukonazol va zidovudin majmuasini qabul kilayotgan bemorlarda zidovudinning konsentratsiyasini oshishi kuzatiladi, u zidovudinni uning asosiy metabolitiga aylanishini pasayishi bilan chaqirilgan, shuning uchun zidovudinning nojuya samaralarini oshishini kutish kerak.

Midazolam. Midazoldamning konsentratsiyasini oshiradi, shuning uchun psixomotor samaralar rivojlanishini xavfi oshadi (flukonazol ichga qo‘llanganida, vena ichiga nisbatan yaqqolrok).

Maxsus ko‘rsatmalar

Davolashni klinik-gematologik remissiya paydo bo‘lgunicha davom ettirish kerak. Davolashni muddatidan oldin to‘xtatish kaytalanishlarga olib keladi. Davolashni ekish yoki boshqa laboratoriya taxlillarining natijalari yo‘kligida boshlash mumkin, lekin ular bo‘lganida fungisid davolashni muvofiq to‘g‘rilash tavsiya etiladi. Davolash davomida qon ko‘rsatgichlarini, buyrak va jigar funksiyasi nazorat qilish kerak. Buyrak va jigar funksiyasi buzilishlari paydo bo‘lganida, preparatni qabul qilishni to‘xtatishkerak. Qator xollarda flukonazolni qo‘llash jigarning toksik o‘zgarishlari bilan birga kechgan. Flukonazol bilan bog‘liq bo‘lgan gepatotoksik samaralar holatlarida, ularni umumiy sutkalik doza, davolash davomiyligi, bemorning jinsi va yoshiga aniq bog‘liqligi aniqlanmagan. Flukonazolning gepatotoksik ta’siri odatda kaytuvchan bo‘ladi; davolash to‘xtatilganidan keyin uning belgilari yo‘qoladi. Flukonazol bilan bog‘liq bo‘lishi mumkin bo‘lgan jigarning shikastlanishini klinik belgilari paydo bo‘lganida, preparatni bekor qilish kerak.

OITS bo‘lgan bemorlar ko‘pchilik preparatlar qo‘llanganida ogir teri reaksiyalarning rivojlanishiga moyilrok bo‘ladilar. Yuzaki zamburug‘li infeksiyasi bo‘lgan bemorlarda toshma rivojlangan xolatlarida va u aniq flukonazol bilan bog‘liq sifatida baxolanganida, preparatni bekor qilish kerak. Invaziv/tizimli zamburug‘li infeksiyalari bo‘lgan bemorlarda toshma paydo bo‘lganida, ularni sinchiklab nazorat qilish va bullyoz o‘zgarishlar yoki ko‘p shaklli eritema paydo bo‘lganida, flukonazolni bekor qilish kerak.

Homiladorlik va emizish davrida qo‘llanishi

Agar preparatni qo‘llashdan ona uchun foyda, homila uchun potensial xavfdan yuqori bulsa, zamburug‘li infeksiyalarning og‘ir yoki xayotga xavf soluvchi shakllaridan tashqari, preparatni homiladorlarda
qo‘llash maqsadga muvofiq emas.

Flukonazol ko‘krak sutida plazmadagi kabi konsentratsiyalarda bo‘ladi, shuning uchun laktasiya davrida uni buyurish tavsiya etilmaydi.

Avtotraisportni xaydash va mexanizmlarni boshqarish qobiliyatiga ta’siri

Nerv tizimi tomonidan nojuya reaksiyalar paydo bo‘lgan xolatlarida, pasientlarga avtomobilni va boshqa mexanizmlarni boshqarishda, shuningdek diqqatni yuqori jamlashni va psixomotor reaksiyalar tezligini talab qiluvchi faoliyat turlari bilan shug‘ullanishda extiyotkorlikka rioya qilish tavsiya etiladi.

Dozani oshirib yuborilishi

8,2 g preparat qabul qilinganida gallyusinasiya va paranoidal xatti xarakatlar paydo bo‘lgan xoli ta’riflangan. Bemor shifoxonaga yotqizilgan va uning xolati 48 soat ichida normallashgan. Doza oshirib yuborilganida me’dani yuvish, diurezni kupaytirishni ta’minlash va simptomatik davolash o‘tkazish kerak. 3 soat gemodializ seansi o‘tkazilganidan so‘ng preparatning plazmadagi konsentratsiyasi 50% ga kamayadi.

Chiqarilish shakli

Kapsulalar 150 mg dan kontur-uyali o‘ramda.

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin. Bolalardan asrang!

Yaroqlilik muddati

3 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

150 mg kapsula №1 – shifokor reseptisiz.

150 mg kapsula №3 – shifokor resepti bo‘yicha.

    ×