Reatsin- inyeksiya uchun eritma

QO‘LLASH BO‘YICHA YO‘RIQNOMA

REASIN

REACIN

Preparatning savdo nomi: Reasin

Ta’sir etuvchi modda (XPN): Amikasin

Dori shakli: Inyeksiya uchun eritma

Tarkibi:

2 ml eritma (1 ampula) saklaydi:

Faol modda: Amikasin (sul’fat tuzi shaklida): 100 mg va 500 mg.

Yordamchi moddalar: natriy sitrat digidrat, natriy metabisul’fit, 35% sul’fat kislotasi, in’eksiya uchun suv.

Ta’rifi: Tiniq, rangsiz yoki och sarg‘ish rangli eritma.

Farmakoterapevtik guruhi: Aminoglikozid gurux antibiotiklar.

ATX kodi: J01GB06

Farmakologik hususiyatlari

Keng ta’sir doirasiga ega antibiotik. To‘qima membranasiga faol ravishda kirib, ribosomalar 30S subbirligi bilan spesifik oqsil-reseptorlar qaytmas birikma xosil kiladi. Matrisali (informasion) RNK va ribosoma 30S subbirlik bilan kompleks xosil bo‘lishida to‘sqinlik qiladi. Natijada RNK ma’lumotlarini o‘qishda xatolik ketadi va oqsil sintezi to‘liq bo‘lmaydi.

Yarimribosomalar parchalanib, oqsil sintezida ishtirok etish qobiliyatini yo‘qotadi va oqibatda mikrob xujayralarining o‘limiga olib keladi.

Grammusbat va ayrim grammanfiy mikrorganizmlarga nisbatan yuqori faol: gentamisin, tobramisin, sizomisin va netilmisinga nisbatan chidamli; P s e u d o m o n a s a e r u g i n o s a , p ye n i s i l l i n m ye t i l s i l l i n v a a y r i m sefalosporinlarga nisbatan chidamli; Escherichia coli, Klebsiella spp. Serratia spp., Providencia spp., Enterobacter spp., Salmonella spp., Shigella spp., Streptococcus spp., Staphylococcus spp. Streptomisin, izoniazid, PASK va boshka sil kasalligiga qarshi dori vositalariga chidamli Mycobacterium tuberculosis ga nisbatan bakteriostatik ta’sir ko‘rsatadi. Anaerob mikroorganizmlar preparatga chidamli.

Amikasin boshqa aminoglikozidlarni inaktivlovchi fermentlar ta’sirida o‘z faolligini yo‘qotmaydi hamda tobramisin, gentamisin va netilmisinga chidamli Pseudomonas aeruginosa shtammiga nisbatan aktiv qolishi mumkin.

Farmakokinetika

Preparat amalda me’da-ichak yo‘llarida so‘rilmaydi. M/i va v/i yuboriladi. Smax m/i va v/i 7,5 mg/kg yuborilgandan 1 va 0.5 soat o‘tgandan so‘ng erishiladi va mos ravishda 21 mkg/mg va 38 mkg/mg tashkil qiladi. Terapevtik konsentratsiyasi (15-25 mkg/ml) m/i va v/i yuborilganda 10-12 soat saqlanadi. Plazma oqsillari bilan 4-11% i bog‘lanadi. Taqsimlanish hajmi 0.2-0.4 l/kg, yangi tug‘ilgan chaqaloqlarda 0.68 l/kg gacha. Gistogematik bar’erdan oson o‘tib, suyak to‘qimasi, taloq, jigar, miokard, o‘pka to‘qimalariga kirib boradi, buyrak po‘stloq qavatida yig‘iladi, xujayra tashqarisidagi suyuqliklarda, jumladan, abssess suyuqligi, sinovial suyuqlik, plevra, yurak va qorin bo‘shlig‘idagi ekssudatlarda, limfa, qon plazmasida tarqaladi. Kam konsentratsiyalarda mushak va yog‘ to‘qimalarida, bronx ajralmalarida, o‘t suyuqligida aniqlanadi. Metabolizmga uchramaydi.

Yarim chiqarilish davri T1/2 kattalarda -2-4 soat, yangi tug‘ilgan chaqaloqlarda -5-8 soat. Buyrak klirensi 79-100 ml/daq., buyrak faoliyati yetishmovchiligida T1/2 70-100 soatgacha oshishi mumkin. Siydikda yuqori konsentratsiyada, o‘zgarmagan xolatda asosan buyraklardagi glomerular filtr orqali (65-94%); kam miqdorda o‘t suyuqligi bilan chiqariladi.

Qo‘llanilishi

Grammanfiy mikroorganizmlar (gentamisin, sizomisin va kanamisinga chidamli) yoki grammanfiy va grammusbat mikroorganizmlar uyushmasi chaqiruvchi infeksion-yallig‘lanish kasalliklari:

  • nafas yo‘li infeksiyalari (bronxit, pnevmoniya, plevra epimeasi, o‘pka absessi);
  • sepsis;
  • septik endokardit;
  • MNS infeksiyalari (shu jumladan meningit);
  • qorin bo‘shlig‘i infeksiyalari (shu jumladan, peritonit);
  • siydik yo‘li infeksiyalari (pielonefrit, sistit, uretrit);
  • teri va yumshoq to‘qima yiringli infeksiyalari (shu jumladan, infeksiyalangan kuyishlar, infeksiyalangan yaralar, turli genezli yotoq yaralar);
  • o‘t yo‘llari infeksiyalari;
  • suyak va bo‘g‘inlar infeksiyalari (shu jumladan, osteomielit);
  • yaralar infeksiyalari;
  • operatsiyadan keyingi infeksiyalar.

Qo‘llash mumkin bo‘lmagan holatlar

  • eshitish nervi nevriti;
  • azotemiyalik va uremiyalik og‘ir surunkali buyrak yetishmovchiligi;
  • homiladorlik;
  • preparat tarkibiga yuqori sezuvchanlik;
  • anamnezdagi boshqa aminoglikozidlarga yuqori sezuvchanlik;

Extiyotkorlik bilan qo‘llaniladi: miasteniya, parkinsonizm, botulizm (aminoglikozidlar asab-mushak o‘tkazuvchanligini buzilishini chaqirishi mumkin, bu esa keyinchalik skelet muskulaturasini bo‘shashishiga olib keladi) degidratasiya, buyrak yetishmovchiligi, yangi tug‘ilgan chaqaloqlar, chala tug‘ilgan chaqaloqlar, laktasiya davridagi va keksa bemorlarda

Nojo‘ya ta’sirlar

Oshqozon-ichak sistemasi tomonidan: jigar transaminazalarining yuqori sezuvchanligi, giperbilirubinemiya, ko‘ngil aynishi, qayd qilish.

Allergik reaksiyalar: teri toshmasi, eshakemi, xaroratni oshishi, ba’zan- Kvinke shishi.

Qon aylanish tizimi tomonidan: anemiya, leykopeniya, granulositopeniya, trombositopeniya.

NS va periferik nerv sistemasi tomonidan: bosh og‘rishi, uyquchanlik, nerv- mushak o‘tkazilishini buzilishi, eshitish qobilyatini buzilishi, qaytmaydigan karlikka olib borishi, vestibulyar buzilishlar.

Siydik ajratish sistemasi tomonidan: oliguriya, proteinuriya, mikrogematuriya; ba’zan-buyrak yetishmovchiligi.

Qo‘llash usuli va dozalari

M/i va v/i (oqimli, 2 daq. davomida, yoki tomchilatib, daqiqasiga 60 tomchi tezlik bilan).

Kattalar va bolalarga: 5 mg/kg dan xar 8 soatda yoki 7.5 mg/kg dan xar 12 soatda; maksimal doza-15 mg/kg/kun, kurslik doza 15 g.dan oshmasligi kerak. Chala tug‘ilgan chaqaloqlarda: boshlang‘ich doza-10 mg/kg, keyinchalik 7.5 mg/kg dan xar 18-24 soatda; yangi tugilgan chaqaloqlarga boshlang‘ich doza-10 mg/kg, keyin 7.5 mg/kg dan xar 12 soatda.

Davolash davomiyligi v/i yuborilganda -3-7 kun, m/i -7-10 kun. Buyrak yetishmovchiligi bo‘lgan bemorlarda kreatinin klirensini hisobga olgan holda doza rejimini korreksiyalash mumkin.

Dozani oshirib yuborilishi

Belgilari: toksik reaksiyalar, nerv-mushak blokadalari nafas olishni tuhtab qolishi, emizikli bolalarda-MNS tomonidan (koma, chuqur nafas siqilishi, holsizlik).

Davolash: kal’siy xlorid v/i, antixolinesteraz moddalar (neostigmin), m- xolinoblokatorlar (atropin), simptomatik davolash. Gemodializ, buyrak faoliyati buzilganda peritoneal dializ, yangi tug‘ilgan chaqaloqlarda qon quyish olib boriladi.

Dorilarning o‘zaro ta’siri

Amikasinni polimiksin, sisplatin, siklosporin, sefalotin, rentgenokontrast moddalar, NYaQV, efluran, metoksifluran, vankomisin, amfoterisin V moddalari bilan bir vaqtda qo‘llanganda nefrotoksik ta’sir xavfi oshadi.

Bir vaqtda diuretiklar (furosemid, etakrin kislota), sisplatin birga qo‘llanilganda ototoksik ta’siri oshadi.

Penisillin bilan bir vaqtda qo‘llanilganda (buyrak yetishmovchiligida) mikroblarga qarshi ta’sirini kamaytiradi.

Etil efiri va nerv-mushak blokatorlari bilan birga qo‘llanilganda nafas siqilishi xavfi oshadi.

Penisillin, sefalosporin, amfoterisin V, xlortiazid, eritromisin, geparin, nitrofurantoin, teopentan, shuningdek, eritmaning tarkibi va konsentratsiyasiga bog‘liq ravishda, tetrasiklin, V guruh vitaminlari, S vitamini va kaliy xloridlar bilan birga eritmada qo‘llash mumkin emas.

Maxsus ko‘rsatmalar

Qo‘llashdan oldin 30 mkg amikasin saqlagan disk yordamida ajratib olingan patogenlarga nisbatan sezuvchanlik aniqlanadi. O‘sish zonasidan erkin diametr buyicha 17 mm va ko‘proq mikroorganizmlar sezgir xisoblanadi, 15 dan 16 mm gacha- o‘rta sezgir, 14 mm dan kam-chidamli xisoblanadi.

Plazmadagi amikasin konsentratsiyasi 25 mkg/mldan oshmasligi kerak. (15-25 mkg/ml terapevtik konsentratsiya xisoblanadi).

Davolash davrida xaftada 1 marotaba buyrak faoliyati, eshitish nervi va vestibulyar apparatni nazorat qilish zarur.

Nefrotoksiklik rivojlanishini extimoli buyrak faoliyati buzilgan bemorlarda yuqori. Shuningdek yuqori dozalar yoki uzoq vaqt buyurilganda (bu kategoriyadagi bemorlarni xar kuni buyrak faoliyatini nazorat kilish zarur). Qoniqarsiz audimetrik testlarda preparat dozasi kamaytiriladi yoki davolash to‘xtatiladi.

Siydik chikarish yo‘llarining infeksion-yallig‘lanish kasalliklari bor bemorlarga yetarli diurezda ko‘p miqdorda suyuqlik iste’mol qilish tavsiya etiladi.

Ijobiy klinik dinamikasi yetarli bo‘lmagan xolda, chidamli mikroorganizmlar rivojlanishi mumkinligini yodda saqlash zarur. Bunga o‘xshash xolatlarda davolashni to‘xtatilib, muvofiq terapiyani boshlash zarur.

Preparat tarkibidagi natriy disul’fit bemorlarda allergik asoratlarni (anafilaktik reaksiyalargacha) ayniqsa allergologik anamnezli bemorlarda kuchaytirishi mumkin.

Homiladorlik va emiziklik davrda qo‘llanishi

Preparatni xomiladorlik davrida qo‘llash mumkin emas.

Xayotiy ko‘rsatkichlarni xisobga olgan xolda preparatni emizikli ayollarda qabul qilish mumkin.

Shuni xisobga olish zarurki, aminoglikozidlar ko‘krak suti orqali kam miqdorda ajraladi. Ular kam miqdorda OIT dan so‘riladi va shuning uchun ko‘krak suti bilan oziqlanuvchi chakaloklarda asoratlar ruyxatdan o‘tkazilmagan.

Buyrak faoliyatida buzilishlar bo‘lgan bemorlarda qo‘llanilishi

Azotemiya va uremiyali og‘ir surunkali buyrak yetishmovchiligida preparatni qo‘llash mumkin emas.

Buyraklarni chiqarish faoliyati buzilishida dozalash rejimini to‘g‘irlash zarur.

Keksa bemorlarda qullanilishi

Preparatni keksa bemorlarda extiyotkorlik bilan qo‘llash zarur.

Dori shakli

In’eksiya uchun 500 mg/2 ml va 100 mg/2 ml eritma ampulalarda 2 ml dan №1

Saqlash sharoiti

25°С dan yuqori bo‘lmagan haroratda, quruq, yorug‘likdan himoyalangan joyda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor resepti bo‘yicha.

    ×