Выберите категорию:

Dezlorem NEO-plyonka qobiq bilan qoplangan tabletkalar

TIBBIYOTDA QO‘LLANILISHIGA DOIR YO‘RIQNOMA

DEZLOREM NEO

Preparatning savdo nomi: Dezlorem Neo

Ta’sir etuvchi modda (XPN): Dezloratadin

Dori shakli: plyonka qobiq bilan qoplangan tabletkalar.

Tarkibi:

1 ta tabletka saqlaydi:

faol modda: dezloratadin 5 mg

yordamchi moddalar: mikrokristall sellyuloza, makkajo‘xori kraxmali, povidon, krospovidon, kolloidli kremniy dioksidi, magniy stearati, qobig‘ining yordamchi moddalari: gidroksipropimetilsellyuloza, polietilenglikol’ 4000, titan dioksid, temir oksid qizil.

Ta’rifi: dumaloq, pushti rangli, ikki tomonlama qabariq, plyonka qobiq bilan qoplangan tabletkalar.

Farmakoterapevtik guruxi: Tizimli qo‘llash uchun antigistamin preparatlar. Gistamin H1-reseptorlarining blokatori.

ATX kodi R06AX27

Farmakologik xususiyatlari

Farmakodinamikasi

Preparat antigistamin, allergiyaga qarshi va yallig‘lanishga qarshi ta’sir ko‘rsatadi, uyquchanlik chaqirmaydi. Ichga qabul qilinganida dezloratadin (loratadinning birlamchi faol metaboliti) periferik gistamin N1-reseptorlarini selektiv bloklaydi. Sitostatik reaksiyalar ketma-ketligini: yallig‘lanishga qarshi sitokinlarni, shu jumladan interleykin-4 (IL-4), interleykin-6 (IL-6), interleykin-8 (IL-8), interleykin-13 (IL-13), yallig‘lanishga qarshi xemokinlarning RANTES turi, chiqarilishini, polimorf yadroli neytrofillar bilan faollashtirilgan superoksid anionlarning hosil bo‘lishini, eozinofillar adgeziyasini va xemotaksisini, adgeziya molekulalarining ekspressiyasini, shu jumladan R-selektinni, lgE-orqali gistaminni, D2 prostaglandinni va S4 leykotrienni chiqarilishni bostiradi.

Farmakokinetikasi

Kattalar va o‘smirlar dezloratadin qabul qilgandan 30 daqiqadan so‘ng qon plazmasida aniqlanadi. Dezloratadin OIS dan yaxshi absorbsiyalanadi, qondagi Cmax taxminan 3 soatdan so‘ng erishiladi. T1/2 o‘rtacha hisobda 27 soatni (20-30s.) tashkil etadi. Plazmaning oqsillari bilan 83-87%-ga birikadi. 14 kun mobaynida sutkasiga 1 mahal 5 mg-dan 20 mg dozasida kattalar va o‘smirlarga berilganda, preparatning kumulyasiyasi kuzatilmadi. Dezloratadin sutkasiga 1 mahal 7,5 mg dozada ovqat va greypfrut soki bilan bir vaqtda qabul qilinganda, dori vositaning organizmda taqsimlanishiga ta’sir etmadi. Dezloratadin CYP3A4 va SYP2D6 ingibitori, P-glikoprotein ingibitori yoki substrati hisoblanmaydi. Dezloratadin organizmda biotransformasiyalanadi, bunda gidroksillanish natijasida glyukuronid bilan birikkan 3-ON-dezloratadin hosil bo‘ladi. Oz miqdordagi preparat o‘zgarmagan xolda buyrak va ichak orqali ajraladi.

Qo‘llanilishi

  • mavsumiy pollinoz va yil bo‘yi allergik rinit (yo‘talni, burundan shilliqning chiqarilishini, qichishish va burunni bitishi va ko‘zlarning qizarishini, ko‘z yoshining oqishini, tanglayning qichishishini bartaraf qiladi yoki yengillashtiradi);
  • surunkali idiopatik eshakemi (terining qichishini va toshmani kamaytirish yoki bartaraf qilish)

Qo‘llash usuli va dozalari

Preparat ichga, ovqat qabul qilishdan qat’iy nazar, ozgina mikdordagi suv bilan qabul qilinadi.

6 dan 11 yoshgacha bolalarga: 1/2 tabletkadan (2,5 mg) sutkada bir marta.

Kattalarga: bir tabletkadan (5 mg) sutkada bir marta.

Davolash kursi va qabul qilishning davomiyligi kasallikning xarakteri bilan belgilanadi. Mavsumiy pollinozni davolashda preparatni qabul qilish kasallikning belgilari yo‘qolganidan keyin to‘xtatiladi. Yil davomidagi allergik rinitni davolashda preparat uzluksiz, pasientni allergen bilan kontaktini butun davri davomida qo‘llanadi.

Nojuya ta’siri

Yuqori toliqish, og‘izni qurishi, bosh og‘rig‘i.

Juda kam quyidagi nojo‘ya ta’sirlari aniqlangan:

MNT tomonidan: bosh aylanishi, uyquchanlik;

yurak-tomir tizimi tomonidan: taxikardiya, yurak urushini sezilishi; ovqat hazm qilish tizimi tomonidan: qorinda og‘riq, ko‘ngil aynishi, qusish, dispepsiya, diareya, qon zardobida bilirubin miqdorini, jigar fermentlarini oshishi.

allergik reaksiyalar: anafilaksiya, angionevrotik shish, qichishish, toshma, eshakemi.

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik, 6 yoshgacha bo‘lgan bolalar.

Dorilarning o‘zaro ta’siri

Dezloratadin ketokonazol, eritromisin, dezloratadinning plazmadagi konsentratsiyasini klinik ahamiyatli o‘zgarishlari aniqlanmagan.

Dezloratadin alkogolning markaziy nerv tizimiga bo‘lgan ta’sirini kuchaytirmaydi.

Maxsus ko‘rsatmalar

Og‘ir buyrak yetishmovchiligi bo‘lgan bemorlarda ehtiyotkorlik bilan qo‘llaniladi.

Preparatni 6 oylikkacha bo‘lgan bolalarda qo‘llashning samaradorligi va xavfsizligi isbotlanmagan.

Preparatni homiladorlik vaqtida qo‘llashning xavfsizligi bo‘yicha klinik ma’lumotlar yo‘q, shuning uchun preparatni homiladorlikda faqat ona uchun kutiladigan foyda, homila uchun bo‘lgan potensial xavfdan ustun bo‘lgan hollarda qo‘llash mumkin. Dezloratadin ko‘krak sutiga o‘tadi, shuning uchun preparatni qo‘llash davrida emizishni to‘xtatish kerak.

Preparat avtomobilni boshqarish va tezkor psixomotor reaksiyalarni talab qiluvchi ishlarni bajarish qobiliyatiga ta’sir qilmaydi.

Dozani oshirib yuborilishi

Belgilari: nojo‘ya reaksiyalarining yaqqolligini kuchayishi.

Davolash: keyinchalik faollashtirilgan ko‘mirni qabul qilish bilan me’dani yuvish, zarurati bo‘lganida – simptomatik davolash. Gemodializ samarasiz. Peritoneal dializni samaradorligi aniqlanmagan.

Chikarilish shakli

Plyonka qobiq bilan qoplangan tabletkalar, 5 mg kontur uyali o‘ramlarda.

Saqlash sharoiti

Quruq, yorug‘likdan himoyalangan joyda, 25ºC dan yuqori bo‘lmagan haroratda saqlansin. Bolalardan asrang!

Yaroklilik muddati

2 yil. Yaroqlilik muddati o‘tgach qo‘llanilmasin.

Dorixonalardan berish tartibi

Shifokor reseptisiz beriladi.

Dezlorem NEO – sirop

TIBBIYOTDA QO‘LLANILISHIGA DOIR YO‘RIQNOMA

DEZLOREM NEO

Preparatning savdo nomi: Dezlorem Neo

Ta’sir etuvchi modda (XPN): Dezloratadin

Dori shakli: Sirop

Tarkibi:

5 ml sirop saqlaydi:

Faol modda: dezloratadin – 2,5 mg;

Yordamchi moddalar: natriya benzoati, gliserin, 70% li sorbitol eritmasi, limon kislotasi (suvsiz), natriy sitrat digidrati, mannitol, propilenglikol’, aspartam, kaliy asesul’fami, yalpiz essensiyasi, kizil FDC 40 buyog‘i, tozalangan suv.

Ta’rifi: Yalpiz xidli, shirin ta’mli, pushti rangli, tiniq suyuqlik.

Farmakoterapevtik guruh: Antiallergik vosita.

ATX kodi R06AX27

Farmakologik xususiyatlari

Farmakodinamikasi

Preparat antigistamin, allergiyaga qarshi va yallig‘lanishga qarshi ta’sir qo‘rsatadi, uyquchanlik chaqirmaydi. Ichga qabul qilinganida dezloratadin (loratadinning birlamchi faol metaboliti) periferik gistamin N1-reseptorlarini selektiv bloklaydi. Sitostatik reaksiyalar ketma-ketligini: yallig‘lanishga qarshi sitokinlarni, shu jumladan interleykin-4 (IL-4), interleykin-6 (IL-6), interleykin-8 (IL-8), interleykin-13 (IL-13), yallig‘lanishga qarshi xemokinlarning RANTES turi, chiqarilishini, polimorf yadroli neytrofillar bilan faollashtirilgan superoksid anionlarning hosil bo‘lishini, eozinofillar adgeziyasini va xemotaksisini, adgeziya molekulalarining ekspressiyasini, shu jumladan R-selektinni, lgE-orqali gistaminni, D2 prostaglandinni va S4 leykotrienni chiqarilishni bostiradi.

Farmakokinetikasi

Kattalar va o‘smirlar dezloratadin qabul qilgandan 30 daqiqadan so‘ng qon plazmasida aniqlanadi. Dezloratadin OIT dan yaxshi absorbsiyalanadi, qondagi Cmax taxminan 3 soatdan so‘ng erishiladi. T1/2 o‘rtacha hisobda 27 soatni (20-30s.) tashkil etadi. Plazmaning oqsillari bilan 83-87%-ga birikadi. 14 kun mobaynida sutkasiga 1 mahal 5 mg-dan 20 mg dozasida kattalar va o‘smirlarga berilganda, preparatning kumulyasiyasi kuzatilmadi. Dezloratadin sutkasiga 1 mahal 7,5 mg dozada ovqat va greypfrut soki bilan bir vaqtda qabul qilinganda, dori vositaning organizmda taqsimlanishiga ta’sir etmadi. Dezloratadin CYP3A4 va SYP2D6 ingibitori, P-glikoprotein ingibitori yoki substrati hisoblanmaydi. Dezloratadin organizmda biotransformasiyalanadi, bunda gidroksillanish natijasida glyukuronid bilan birikkan 3-ON-dezloratadin hosil bo‘ladi. Oz miqdordagi preparat o‘zgarmagan xolda buyrak va ichak orqali ajraladi.

Qo‘llanilishi

  • mavsumiy pollinoz va yil bo‘yi allergik rinit (yo‘talni, burundan shilliqning chiqarilishini, qichishish va burunni bitishi va ko‘zlarning qizarishini, ko‘z yoshining oqishini, tanglayning qichishishini bartaraf qiladi yoki yengillashtiradi);
  • surunkali idiopatik eshakemi (terining qichishini va toshmani kamaytirish yoki bartaraf qilish).

Qo‘llash usuli va dozalari

6 dan 11 oylikkacha bolalarga: 2 ml sirop (1,0 mg) kuniga bir marta yoki shifokorning ko‘rsatmasi bo‘yicha.

1 yoshdan 5 yoshgacha bo‘lgan bolalarga: 2,5 ml sirop (1,25 mg) sutkada 1 marta; 6 dan 11 yoshgacha bo‘lgan bolalarga: 5 ml sirop (2,5 mg) sutkada 1 marta;

Kattalar va 12 yoshdan oshgan o‘smirlarga: 10 ml sirop (5 mg) sutkada 1 marta.

Davolash kursi va qabul qilishning davomiyligi kasallikning xarakteri bilan belgilanadi. Mavsumiy pollinozni davolashda preparatni qabul qilish kasallikning belgilari yo‘qolganidan keyin to‘xtatiladi. Yil davomidagi allergik rinitni davolashda preparat uzluksiz, pasientni allergen bilan kontaktini butun davri davomida qo‘llanadi.

Nojo‘ya ta’siri

Yuqori toliqish, og‘izni qurishi, bosh og‘rig‘i.

Juda kam quyidagi nojo‘ya ta’sirlari aniqlangan:

MNT tomonidan: bosh aylanishi, uyquchanlik;

yurak-tomir tizimi tomonidan: taxikardiya, yurak urushini sezilishi;

ovqat hazm qilish tizimi tomonidan: qorinda og‘riq, ko‘ngil aynishi, qusish, dispepsiya, diareya, qon zardobida bilirubin miqdorini, jigar fermentlarini oshishi.

allergik reaksiyalar: anafilaksiya, angionevrotik shish, qichishish, toshma, eshakemi:

2 yoshgacha bo‘lgan bolalarda: diareya, tana haroratini oshishi, uyqusizlik.

Qo‘llash mumkin bo‘lmagan holatlar

  • preparatning tarkibiga kiruvchi biron bir komponentga bo‘lgan yuqori sezuvchanlik.

Dorilarning o‘zaro ta’siri

Dezloratadin ketokonazol, eritromisin, azitromisin, fluoksetin, simetidin bilan ko‘p marta birga qo‘llanganida dorilarning o‘zaro ta’siri o‘rganilganida, dezloratadinning plazmadagi konsentratsiyasini klinik ahamiyatli o‘zgarishlari aniqlanmagan.

Dezloratadin alkogolning markaziy nerv tizimiga bo‘lgan ta’sirini kuchaytirmaydi.

Maxsus ko‘rsatmalar

Og‘ir buyrak yetishmovchiligi bo‘lgan bemorlarda ehtiyotkorlik bilan qo‘llaniladi. Preparat sirop shaklida qandli diabeti bo‘lgan bemorlarga ehtiyotkorlik bilan buyuriladi, chunki gipoglikemik vositalarning dozasini to‘g‘rilash talab qilinishi mumkin.

Preparatni 6 oylikkacha bo‘lgan bolalarda qo‘llashning samaradorligi va xavfsizligi isbotlanmagan.

Preparatni homiladorlik vaqtida qo‘llashning xavfsizligi bo‘yicha klinik ma’lumotlar yo‘q, shuning uchun preparatni homiladorlikda faqat ona uchun kutiladigan foyda, homila uchun bo‘lgan potensial xavfdan ustun bo‘lgan hollarda qo‘llash mumkin. Dezloratadin ko‘krak sutiga o‘tadi, shuning uchun preparatni qo‘llash davrida emizishni to‘xtatish kerak.

Preparat avtomobilni boshqarish va tezkor psixomotor reaksiyalarni talab qiluvchi ishlarni bajarish qobiliyatiga ta’sir qilmaydi.

Dozani oshirib yuborilishi

Belgilari: nojo‘ya reaksiyalarining yaqqolligini kuchayishi.

Davolash: keyinchalik faollashtirilgan ko‘mirni qabul qilish bilan me’dani yuvish, zarurati bo‘lganida – simptomatik davolash. Gemodializ samarasiz. Peritoneal dializni samaradorligi aniqlanmagan.

Chiqarilish shakli

Sirop, 2,5 mg/5 ml 50 ml yoki 60 ml dan, flakonlarda o‘lchov qoshiq yoki stakancha bilan to‘plamda.

Saqlash sharoiti

Kuruk, yorug‘likdan himoyalangan joyda, 25ºС dan yuqori bo‘lmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor reseptisiz beriladi.

Allegra –qobiq bilan qoplangan tabletkalar

TIBBIYOTDA QO‘LLANILISHIGA DOIR YO‘RIQNOMA

ALLEGRA

ALLEGRA

Preparatning savdo nomi: Allegra

Ta’sir etuvchi modda (XPN): Setirizin digidroxloridi

Dori shakli: Qobiq bilan qoplangan tabletkalar

Tarkibi:

1 tabletka quyidagilarni saqlaydi:

faol modda: Setirizin digidroxloridi 10 mg;

yordamchi moddalar: makkajo‘xori kraxmali, nipagin, nipazol, laktoza, tal’k, magniy stearat.

qobiq: gidroksipropilmetilsellyuloza, titan dioksidi, tal’k, propilenglikol’ 4000.

Ta’rifi: oq yoki deyarli oq rangli, dumaloq, ikki tomonlama qavariq, qobiq bilan qoplangan tabletkalar.

Farmakoterapevtik guruhi: Antiallergik vositalar.

ATX kodi: R06AE07

Farmakologik xususiyatlari

Setirizin digidroxlorid – gidroksizinning metaboliti bo‘lib, gistaminning raqobatli antagonistlari guruhiga kiradi va N1-gistamin reseptorlarini bloklaydi.

Preparat allergik reaksiyalarning rivojlanishini oldini oladi va kechishini yengillashtiradi, qichishishga qarshi va ekssudasiyaga qarshi ta’sir ko‘rsatadi. Allergik reaksiyalarning “erta” gistaminga bog‘liq bosqichiga ta’sir qiladi, allergik reaksiyalarning “kechki” bosqichida yallig‘lanish mediatorlarini ajralib chiqishini cheklaydi, shuningdek eozinofillar, neytrofillar va bazofillarning migratsiyasini kamaytiradi, semiz hujayralarning membranalarini barqarorlashtiradi. Kapillyarlarning o‘tkazuvchanligini kamaytiradi, to‘qimalar shishini rivojlanishini oldini oladi, silliq mushaklarning spazmini yo‘qotadi. Gistamin, spesifik allergenlarni yuborishga, shuningdek sovutishga (sovuqli eshakemida) teri reaksiyasini yo‘qotadi. Yengil kechuvchi bronxial astmada gistamin induksiya qilib bronxokonstriksiyani pasaytiradi.

Antixolinergik va antiserotonin ta’sir ko‘rsatmaydi. Terapevtik dozalarda preparat sedativ samara ko‘rsatmaydi. Setirizin 10 mg bir martalik dozada qabul qilinganidan keyin samarasi 50% pasientlarda 20 minut o‘tgach va 95% pasientlarda 60 minut o‘tgach rivojlanadi va 24 soatdan ko‘proq davom etadi. Kursli davolash fonida setirizinning antigistamin ta’siriga tolerantlik rivojlanmaydi. Davolash bekor qilinganidan keyin samara 3 sutkagacha saqlanadi.

Farmakokinetikasi

Preparatning farmakokinetik ko‘rsatkichlari to‘g‘ri chiziqli o‘zgaradi.

So‘rilishi: ichga qabul qilinganidan keyin preparat me’da-ichak yo‘llaridan tez va to‘liq so‘riladi. Ovqat qabul qilish, garchi so‘rilish tezligi kamaysa ham, uning to‘liqligiga ta’sir qilmaydi. Kattalarda preparat terapevtik dozalarda bir marta qabul qilinganidan keyin qon plazmasidagi maksimal konsentratsiyasiga (Cmax) 1±0,5 soat o‘tgach erishiladi va 300 ng/ml ni tashkil qiladi.

Taqsimlanishi: setirizin 93±0,3% ga qon plazmasi oqsillari bilan bog‘lanadi. Taqsimlanish xajmi (Vd) 0,5 l/kg ni tashkil qiladi. Preparat 10 mg dozada 10 kun davomida qabul qilinganida setirizinning to‘planishi kuzatilmaydi.

Metabolizmi: katta bo‘lmagan miqdorlarda farmakologik nofaol metabolitlarini hosil bo‘lishi bilan organizmda O-dealkillanish (jigarda sitoxrom tizimi yordamida metabolizmga uchraydi, N1-gistamin reseptorlarining boshqa antagonistlaridan farqli ravishda) yo‘li bilan metabolizmga uchraydi.

Chiqarilishi: kattalarda yarim chiqarilish davri (T1/2) taxminan 10 soatni tashkil qiladi; 6 dan 12 yoshgacha bo‘lgan bolalarda T1/2 6 soatni tashkil qiladi, 2 dan 6 yoshgacha – 5 soat, 6 oylikdan 2 yoshgacha – 3,1 soat. Preparatni qabul qilingan dozaning taxminan 2/3 buyraklar orqali o‘zgarmagan holda chiqariladi.

Keksa pasientlarda va jigarning surunkali kasalliklari bo‘lgan pasientlarda preparat 10 mg dozada bir marta qabul qilinganida T1/2 taxminan 50% ga oshadi, tizimli klirensi esa 40% ga pasayadi.

Yengil darajali buyrak yetishmovchiligi (kreatinin klirensi (KK) >40 ml/min) bo‘lgan pasientlarda farmakokinetik ko‘rsatkichlari, buyraklar faoliyati normal pasientlardagi bilan o‘xshash.

Og‘irligi o‘rta darajali buyrak yetishmovchiligi bo‘lgan pasientlarda va gemodializda bo‘lgan pasientlarda (KK <7 ml/min), preparat ichga 10 mg dozada qabul qilinganida, buyrak faoliyati normal bo‘lgan pasientlarga qaraganda, T1/2 3 marta uzayadi, umumiy klirensi esa 70% ga pasayadi, bu dozalash tartibini muvofiq o‘zgartirishni talab qiladi.

Setirizin digidroxloridi organizmdan gemodializda deyarli yo‘qotilmaydi.

Qo‘llanilishi

Kattalar va 6 yoshdan oshgan bolalar uchun:

  • yil davomidagi (persistirlovchi) va mavsumiy (intermitterlovchi) allergik rinitning (pichan isitmasi, pollinoz; bolalardagi mavsumiy rinitni davolashni maksimal davomiyligi – 4 hafta) simptomlarini davolash;
  • allergik kon’yunktivit;
  • surunkali idiopatik eshakemida qo‘llaniladi.

Qo‘llash usuli va dozalari

Allergik rinitni davolash

Kattalar va 12 yoshdan oshgan o‘smirlar: tavsiya qilinadigan doza – 10 mg (1 tabletka) kuniga 1 marta.

6 yoshdan 12 yoshgacha bo‘lgan bolalar: 10 mg (1 tabletka) kuniga 1 marta. Davolashni maksimal davomiyligi – 4 hafta.

Doza 5 mg dan (1/2 tabletka) 2 qabulga bo‘lingan bo‘lishi mumkin, muvofiq ravishda ertalab va kechqurun.

Allergik kon’yunktivitni davolash

Kattalar va 12 yoshdan oshgan o‘smirlar: tavsiya qilinadigan doza – 10 mg (1 tabletka) kuniga 1 marta.

6 yoshdan 12 yoshgacha bo‘lgan bolalar: 10 mg (1 tabletka) kuniga 1 marta buyuriladi. Davolashni maksimal davomiyligi – 4 hafta tashkil qiladi. Doza 5 mg dan (1/2 tabletka) 2 qabulga bo‘lingan bo‘lishi mumkin, muvofiq ravishda ertalab va kechqurun.

Yil davomidagi rinitni va surunkali idiopatik eshakemini davolash

Kattalar va 12 yoshdan oshgan o‘smirlar: tavsiya qilinadigan doza – 10 mg (1 tabletka) kuniga 1 marta.

6 yoshdan 12 yoshgacha bo‘lgan bolalar: 10 mg (1 tabletka) kuniga 1 marta. Doza 5 mg dan (1/2 tabletka) 2 qabulga bo‘linishi mumkin, muvofiq ravishda ertalab va kechqurun.

Alohida dozalash tartibini talab qiluvchi pasientlar

Keksa yoshli pasientlar

Kalava fil’tratsiyasini yoshga bog‘liq pasayishida keksa yoshli pasientlar uchun preparat, buyrak yetishmovchiligi bo‘lgan pasientlar uchun kabi dozalarda buyuriladi.

Buyrak yetishmovchiligi bo‘lgan pasientlar

Buyrak yetishmovchiligining darajasiga qarab preparatni qabul qilishlar orasidagi tanaffuslar shaxsiy ravishda to‘g‘rilanadi.

Jigar yetishmovchiligi bo‘lgan pasientlar

Faqat jigar faoliyatini buzilishi bo‘lgan pasientlarda dozalash tartibini to‘g‘rilash talab qilinmaydi.

Preparatni kechqurun qabul qilish kerak, chunki sutkaning bu vaqtida simptomlar jadalroq namoyon bo‘ladi. Tabletka butunligicha, chaynamasdan suv bilan birga yutiladi.

Preparat ovqat qabul qilishdan qat’iy nazar qabul qilinadi.

Kattalar va 12 yoshdan oshgan o‘smirlarda nojo‘ya samaralari yengil namoyon bo‘lganida 5 mg (1/2 tabletka) preparatni muvofiq ertalab va kechqurun qabul qilish tavsiya etiladi.

Nojo‘ya ta’sirlari

Mumkin bo‘lgan nojo‘ya samaralari organizm tizimlari va paydo bo‘lish tez-tezligi bo‘yicha quyida keltirilgan: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam (≥1/10000, <1/1000), juda kam (<1/10000), tez-tezligi noma’lum (ma’lumotlarni yetishmovchiligi tufayli).

Immun tizimi tomonidan: kam hollarda: o‘ta yuqori sezuvchanlik reaksiyalari; juda kam hollarda: anafilaktik shok.

Metabolik buzilishlar va ovqatlanishni buzilishlari: tez-tezligi noma’lum: ishtahani oshishi.

Nerv tizimi tomonidan: tez-tez emas: paresteziyalar; kam hollarda: tirishishlar; juda kam hollarda: ta’mni buzilishi, diskineziya, distoniya, xushdan ketish, tremor; tez-tezligi noma’lum: karlik, xotirani buzilishi, amneziya.

Ruhiy buzilishlar: tez-tez emas: qo‘zg‘alish; kam hollarda: tajavuzkorlik, ongni chalkashishi, depressiya, gallyusinasiyalar, uyquni buzilishi; juda kam hollarda: tik; tez-tezligi noma’lum: suisidal fikrlar.

Ko‘rish a’zosi tomonidan: juda kam hollarda: akkomodasiyani buzilishi, ko‘rishni noaniqligi, nistagm; tez-tezligi noma’lum: vaskulit.

Eshitish va muvozanat a’zolari tomonidan: tez-tezligi noma’lum: vertigo.

Ovqat hazm qilish tizimi tomonidan: tez-tez emas: diareya.

Yurak-qon tomir tizimi tomonidan: kam hallorda: taxikardiya.

Siydik chiqarish tizimi tomonidan: juda kam hollarda: dizuriya, enurez; tez-tezligi noma’lum: siydikni tutilishi.

Qon va limfatik tizimi tomonidan: juda kam hollarda: trombositopeniya.

Teri qoplamasi tomonidan: tez-tez emas: toshma, qichishish; kam hollarda: eshakemi; juda kam hollarda: angionevrotik shish, turg‘un eritema.

Laboratoriya ko‘rsatgichlari tomonidan: kam hollarda: jigarning funksional sinamalarini o‘zgarishi (transaminazalar, ishqoriy fosfataza, gamma-glutamattransferaza va bilirubinning darajasini oshishi).

Umumiy buzilishlar: tez-tez emas: asteniya, lohaslik; kam hollarda: periferik shishlar.

Moddalar almashinuvi tomonidan: kam hollarda: tana vaznini oshishi.

Nojo‘ya reaksiyalar, shuningdek yo‘riqnomada ko‘rsatilmagan reaksiyalar paydo bo‘lgan holda, shifokorga murojaat qilish kerak.

Qo‘llash mumkin bo‘lmagan holatlar

  • Setirizinga, gidroksizinga yoki piperazinning hosilalariga, shuningdek preparatning boshqa komponentlariga yuqori sezuvchanlik;
  • buyrak yetishmovchiligining terminal bosqichi (kreatinin klirensi <10 ml/min);
  • galaktozani tug‘ma yetishmovchiligi, laktaza yetishmovchiligi va glyukoza-galaktozani malabsorbsiya sindromida qo‘llash mumkin emas.

Ehtiyotkorlik bilan:

  • surunkali buyrak yetishmovchiligi (kreatini klirensi >10 ml/min bo‘lganda dozani tartibini to‘g‘rilash talab etadi);
  • keksa yoshli pasientlar (kalavalar fil’tratsiyasini yoshga doir pasayishi);
  • tutqanoq va tirishishga yuqori tayyorgarligi bo‘lgan pasientlar;
  • siydik tutilishiga olib keluvchi omillar bo‘lgan pasientlar.

Dorilarning o‘zaro ta’siri

Psevdoefedrin, simetidin, ketokonazol, eritromisin yoki azitromisin bilan bir vaqtda qo‘llanganida, setirizinning farmakokinetikasiga ta’siri aniqlanmagan.

Farmakokinetik o‘zaro ta’sirlar kuzatilmagan. In vitro sinamalar preparatni varfarinni oqsillar bilan bog‘lanish xususiyatlariga ta’sir qilmasligini ko‘rsatgan.

Azitromisin, eritromisin, ketokonazol, teofillin va psevdoefedrin bilan bir vaqtda qo‘llanganida klinik ahamiyatli o‘zaro ta’sirlar aniqlanmagan, elektrokardiogrammada o‘zgarishlar aniqlanmagan.

Preparat (sutkada 20 mg) teofillin (sutkada 400 mg) bilan bir vaqtda qo‘llanganida sutka davomida “konsentratsiya – vaqt” egri chizig‘i ostidagi maydonini katta bo‘lmagan, lekin turg‘un oshishi aniqlangan, preparatni 19% ga, teofillinni – 11% ga. Bundan tashqari, plazmadagi maksimal darajasi setirizin va teofillin uchun muvofiq 7,7% va 6,4% ga yetgan. Shu vaqtning o‘zida, agar teofillin bilan davolash setirizinni buyurishgacha o‘tkazilgan bo‘lsa, setirizinning umumiy klirensi 16% ga, teofillinning klirensi – 10% ga pasaygan.

Lekin boshidan setirizin bilan davolashda teofillinning farmakokinetikasiga ahamiyatli ta’siri aniqlanmagan.

Setirizinning 10 mg dozasi qabul qilinganidan keyin alkogolning ta’siri (0,8%) ahamiyatli darajada kuchaymaydi; psixometrik testlarning 16 dan bittasida 5 mg diazepam bilan sezilarli o‘zaro ta’siri aniqlanadi.

Setirizin (10 mg) glipizid bilan bir vaqtda har kuni qo‘llanganida, glyukozaning ko‘rsatgichi biroz pasayadi. Lekin bu klinik isbotlanmagan. Shunga qaramasdan, bu dori vositalarini alohida qabul qilish tavsiya etiladi – glipizid ertalab va setirizin kechqurun.

Ovqat qabul qilish garchi so‘rilish tezligini 1 soatga kamaytirsa ham, uning to‘liqligiga ta’sir qilmaydi. Ritonavir (600 mg kuniga ikki marta) va setirizin (sutkada 10 mg) ko‘p marta qabul qilinganida ta’sirining davomiyligi 40% ga oshgan, shu vaqtning o‘zida ritonavirning ta’siri setirizinni keyingi qabuli bilan biroz o‘zgargan (-11%).

Allergik sinamalarni buyurishdan oldin uch kunlik “yuvuvchi” davr tavsiya qilinadi.

Maxsus ko‘rsatmalar

Homiladorlik va laktasiya davrida qo‘llanishi

Hozirgi vaqtda homilador ayollarda preparatni qo‘llash bo‘yicha klinik tekshirishlarning ma’lumotlari yo‘q. Hayvonlardagi eksperimental tekshirishlarda preparatni homiladorlikni kechishiga, murtakni rivojlanishiga, embrional rivojlanishga, shu jumladan postnatal davrda, biron-bir bevosita yoki bilvosita toksik ta’siri aniqlanmagan.

Ayollar uchun potensial xavf noma’lum.

Ona uchun foyda homila uchun bo‘lgan potensial xavfdan ustun bo‘lgan hollarda qo‘llash mumkin.

Setirizin digidroxlorid ko‘krak suti bilan chiqariladi, shuning uchun emizish davrida preparatni qo‘llash mumkin emas.

Avtomobilni va murakkab mexanizmlarni boshqarish qobiliyatiga ta’siri

Preparat yuqori uyquchanlikni chaqirishi mumkin. Demak, avtotransportni haydash va mexanizmlarni boshqarish qobiliyatiga ta’sir ko‘rsatadi.

Dozani oshirib yuborilishi

Preparat 50 mg dozada bir marta qabul qilinganida quyidagi simptomlar kuzatilgan: ongni chalkashishi, diareya, bosh aylanishi, yuqori charchoqlik, bosh og‘rig‘i, lohaslik, midriaz, qichishish, kuchsizlik, bezovtalik, sedativ samara, uyquchanlik, stupor, taxikardiya, tremor, siydikni tutilishi.

Davolash: preparat qabul qilinganidan keyin darhol – me’dani yuvish yoki qusishni chaqirish. Faollashtirilgan ko‘mir qabul qilish, simptomatik va tutib turuvchi davolash tavsiya etiladi. Spesifik antidoti yo‘q. Gemodializ samarasiz.

Chiqarilish shakli

Qobiq bilan qoplangan tabletkalar, 10 mg dan.

Saqlash sharoiti

Quruq, yorug‘likdan himoyalangan joyda, 25⁰С dan yuqori bo‘lmagan haroratda saklansin. Bolalardan asrang!

Yaroqlilik muddati

3 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor reseptisiz beriladi.

Allegra-sirop

TIBBIYOTDA QO‘LLANILISHIGA DOIR YO‘RIQNOMA

ALLEGRA

ALLEGRA

Preparatning savdo nomi: Allegra

Ta’sir etuvchi modda (XPN): Setirizin gidroxlorid

Tarkibi:

Faol modda: Setirizin gidroxloridi – 5 mg

Yordamchi moddalar: saxaroza, propilenglikol’, natriy benzoat, natriy edetati (trilon B), «Sunset Yellow» bo‘yovchi moddasi(E110), apel’sin essensiyasi, limon sirkasi, tozalangan suv.

Ta’rifi:O‘ziga xos xidli, shirin ta’mli,to‘q sariq rangli,siropsimon suyuqlik.

Farmakoterapevtik guruhi: Allergiyaga qarshi vositalar.

ATX kodi: R06AE07

Farmakologik xususiyatlari

Allergiyaga qarshi preparat, gistamin N1-reseptorlari blokatori. Setirizin gistaminni raqobatli antogonistlari guruhiga taaluqli. Yaqqol allergiyaga qarshi ta’sirga ega, allergik reaksiyalarni rivojlanishini ogohlantiradi va antiekssudativ samaralarga ega. Allergik reaksiyalarni erta bosqichida ta’sir qiladi, hamda yallig‘lanish hujayralarini migratsiyasini kamaytiradi, kechki allergik reaksiyalarda ishtirok etadigan mediatorlarni chiqqarilishini susaytiradi. Kapilyarlar o‘tkazuvchanligini kamaytiradi, to‘qimalar shishini rivojlanishini ogohlantiradi, silliq mushaklar spazmini yo‘qotadi. Gistaminni yuborilishiga, hamda  sovuq qotganda (sovuq eshakemi) maxsus allergenlarni teri reaksiyalarini  bartaraf qiladi.

Deyarli antixolinergik va antiserotonin ta’sir ko‘qilmaydi.

Terapevtik dozalarda deyarli sedativ ta’sirni ko‘rsatmaydi. Kursiy qabul qilish fonida chidamlilik rivojlanmaydi. Preparatning ta’siri 20 minutdan keyin (50 % pasientlarda) yoki 1 soatdan keyin (95 % pasientlarda) boshlanadi va 24 soat davomida saqlanadi.

Farmakokinetikasi

So‘rilishi: ichga qabul qilingandan so‘ng setirizin me’da-ichak yo‘llaridan tez va yaxshi so‘riladi. Maksimal konsentratsiya darajasi (Smax) tahminan 30-60 minutdan keyin aniqlanadi. Ovqat qabul qilish so‘rilish kattaligiga sezilarli ta’sir ko‘rsatmaydi, biroq bunday xollarda so‘rilish tezligi biroz pasayadi.

Taqsimlanishi: Setirizin qon plazmasi oqsillari bilan tahminan 93 % ga bog‘lanadi. Taqsimlanish hajmi (Vd) past (0,5 l/kg), preparat xujayra ichiga kirmaydi. Preparat gematoenselik to‘siq orqali kirmaydi.

Chiqarilishi: Tahminan 70 % buyraklar orqali asosan o‘zgarmagan holda yuz beradi. Tizimli klirens kattaligi 54 ml/min atrofidagini tashkil etadi. Bir martalik dozani qabul qilingandan keyin yarimchiqarilish davri (T1/2) 10 soat atrofidagini tashkil qiladi. 2 yoshdan 12 yoshgacha bo‘lgan bolalarda T1/2  5-6 soatgacha kamayadi. Buyraklar faoliyati buzilishida (kreatinin klirensi (KK) 11-31 ml/min. dan pastda) va gemodializda bo‘lgan pasientlarda (KK 7 ml/min.dan kamda) T1/2 3 martaga oshadi, klirens 70 % ga kamayadi. Surunkali kasalliklari fonida va keksa pasientlarda T1/2 kattaligi 50 % ga  oshishi va klirensni 40 % ga kamayishi aniqlanadi. Gemodializ samarasiz.

Qo‘llanilishi

  • mavsumiy va yil bo‘yi allergik rinit va kon’yunktivit;
  • allergik dermatozlar;
  • pollinoz (pichan isitmasi);
  • eshakemi (shu jumladan surunkali idiopatik);
  • Kvinke shishida.

Qo‘llash usuli va dozalari

Preparatni ovqatni qabul qilinishiga bog‘liq bo‘lmagan xolda ichga buyuriladi.

Kattalar va 12 yoshdan katta bolalarga – siropni 10 mldan sutkada 1 martta, har kuni qo‘llash tavsiya qilinadi, kechqurun maqqulroq.

6 dan 12 yoshgacha bo‘lgan bolalarga – siropni 10 ml dan sutkasida bir martta yoki siropni 5 ml dan sutkada 2 martta, ertalab va kechqurun.

2 dan 6 yoshgacha bo‘lgan bolalarga – siropni 5 ml dan yoki siropni 2,5 ml dan sutkada 2 martta, ertalab va kechqurun.

Buyrak yetishmovchiligini o‘rta yoki og‘ir shakli bo‘lgan pasientlarda preparat dozasini 2 martta  kamaytirish kerak.

Jigar faoliyatini buzilishlarida dozani uni sutkada 5 ml gacha va undan kamga kamaytirib bir vaqtda buyrak yetishmovchiligi bilan bo‘lganda o‘ta ehtiyotkorlik bilan shaxsiy tanlanadi. 

Buyraklar faoliyati me’yoriy bo‘lgan keksa yoshdagi pasientlarda dozani to‘g‘irlash talab qilinmaydi.

Nojo‘ya ta’sirlari

Ovqat hazm qilish tizimi tomonidan: og‘iz qurishi, dispepsiya.

MNT tomonidan: bosh og‘rig‘i, uyquchanlik, toliqish, bosh aylanishi, asabiylik, migren’.

Allergik reaksiyalar: teri toshmasi, angionevrotik shish, eshakemi, terini qichishishi.

Preparat odatda juda yaxshi o‘zlashtiriladi. Nojo‘ya holatlar kam paydo bo‘ladi va o‘tuvchan xarakterga ega.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, buyrakni og‘ir kasalliklari, keksalarga, 2 yoshgacha bo‘lgan bolalar, homiladorlik va laktasiya davri.

Dorilar bilan o‘zaro ta’siri

Setirizinni boshqa dori vositalari bilan klinik sezilarli o‘zaro ta’sirlari aniqlanmagan. Teofillin bilan (sutkada 400 mg) birga iste’mol  qilinishi preparatning umumiy klirensini pasayishiga olib keladi (teofillin kinetikasi o‘zgarmaydi).

Preparatni qandli diabeti bo‘lgan pasientlarga qo‘llanganda 10 ml siropda 3 g sorbitol saqlanishi, u 0,25 NB mos kelishini hisobga olish kerak.

Maxsus ko‘rsatmalar

Markaziy nerv tizimini susaytiruvchi vositalarini bir vaqtda ishlatish va alkogolni iste’mol qilish tavsiya qilinmaydi.

Davolash vaqtida yuqori diqqat konsentratsiyasini va tezkor psixomotor reaksiyalarni talab qiladigan potensial xavfni faoliyat turlari bilan shug‘ullanishdan saqlanish zarur.

Preparatni bolalar olaolmaydigan joyda saqlash va uni yaroqlilik muddati o‘tgach ishlatilmaslik lozim.

Dozani oshirib yuborilishi

Belgilari: uyquchanlik, notinchlik, tormozlanib qolish, holsizlik, toliqish (ko‘pincha sutkada 50 mg dozada qabul qilinganda), bezovtalik, bosh og‘rig‘i, ta’sirchanlik siydikning tutilishi, tremor, taxikardiya, qichishish, toshma.

Davolash: me’dani yuvish, faollangan ko‘mirni buyurish, simptomatik davoni o‘tkazish.

 Maxsus antidoti aniqlanmagan. Gemodializ samarasiz.

Chiqarilish shakli

Sirop flakonlarda 50, 60 va 100 ml dan.

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin. Bolalardan asrang!

Yaroqlilik muddati

3 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor reseptisiz beriladi.

    ×