Bronxirem®- tabletkalar

TIBBIYOTDA QO‘LLANILISHIGA DOIR YURIQNOMA

BRONXIREM®

BRONXIREM 

Preparatning savdo nomi: Bronxirem ®

Ta’sir etuvchi modda (XPN): Ambroksol gidroxloridi

Dori shakli: Tabletkalar 30 mg dan

Tarkibi:

1 tabletka saqlaydi:

faol modda: ambroksol gidroxloridi – 30 mg.

yordamchi moddalar: laktoza, makkajo‘xori kraxmali, mikrokristallik sellyuloza, polivinilpirrolidon, magniy stearati, aerosil.

Ta’rifi: Oq yoki deyarli ok rangli, yassikabarik faskali tabletkalar.

Farmakoterapevtik guruhi: Balg‘am ko‘chiruvchi vositalar

ATX kodi: R05CB06 

Farmakologik xususiyatlari

Yaqqol balg‘am ko‘chiruvchi ta’sirga ega mukolitik perparat. Preparat bronxlarning shilliq qavatining seroz hujayralarini rag‘batlantirishi hisobiga va mukopolisaxaridlarning depolimerizasiyasi natijasida balg‘amning qovushqoqligini kamaytiradi va balg‘amni suyultiradi. Ambroksol xilpillovchi epiteliyning harakat faolligini kuchaytiradi, mukosiliar trasportni oshiradi, balg‘amning seroz va shilliq komponentlarining nisbatini me’yorlashtiradi. Bundan tashqari, gidrolizlovchi fermentlarni faollashtirib va Klark xujayralaridan lizosomalarni ajralib chiqishini kuchaytirib, balg‘amning qovushqoqligini pasaytiradi, va shu yo‘l bilan nafas yo‘llaridan balg‘amni ko‘chishini yengillashtiradi. Ambroksol al’veolalarda surfaktant sintezi va sekresiyasini oshiradi. Surfaktant hosil bo‘lishini oshishi hisobiga preparat yallig‘lanishga qarshi ta’sir ko‘rsatadi, antioksidant xususiyatlarga ega va mahalliy immunitetni oshiradi. Ambroksolning ta’siri 30 minut davomida namoyon bo‘ladi va 6-12 soat davomida saqlanib turadi.

Farmakokinetikasi

Ichga qabul qilinganidan keyin ambroksol me’da-ichak yo‘llaridan amalda to‘liq so‘riladi. Qon plazmasidagi maksimal konsentratsiyasiga (Smax) taxminan 0,3-0,5 soatdan keyin erishiladi. Biokiraolishligi 70-80% ni tashkil qiladi. Preparatning kumulyasiyasi aniqlanmagan.

Plazma oqsillari bilan bog‘lanishi taxminan 90%. To‘qimalarga tez kiradi va eng yuqori konsentratsiyasi o‘pkada aniqlanadi. Gematoensefalik to‘siq (GET) va yo‘ldosh to‘sig‘i orqali o‘tadi va ko‘krak suti bilan chiqariladi.

Jigarda kon’yugasiya yo‘li bilan farmakologik nofaol metabolitlarni hosil qilib metabolizmga uchraydi.

Qon plazmasidan yarim chiqarilish davri (T1/2) – 7-12 soat. Buyraklar orqali preparatning taxminan 90% chiqariladi.

Qo‘llanilishi

Nafas yo‘llarining qovushqoq balg‘amni ajralib chiqishi bilan kechuvchi o‘tkir va surunkali kasalliklarini (o‘tkir va surunkali bronxit, obstruktiv bronxit, pnevmoniya, balg‘amning ajralib chiqishi buzilgan bronxial astma, bronxoektatik kasallik, shuningdek burun-tomoq bo‘shlig‘i yallig‘lanishida shilliqni suyulishini yaxshilash uchun) mukolitik davolashda qo‘llanadi.

Qo‘llash usuli va dozalari

Tabletkalar ichga ovqatdan keyin, butunligicha katta mikdordagi suyuqlik bilan birga qabul qilinadi.

Kattalar va 12 yoshdan oshgan bolalarga birinchi 2-3 kun davomida 30 mg dan sutkada 2-3 marta, so‘ngra 30 mg dan sutkada 2 marta yoki 15 mg dan sutkada 3 marta buyuriladi. 5 dan 12 yoshgacha bo‘lgan bolalarga 15 mg dan sutkada 2-3 marta buyuriladi.

Qo‘llash davomiyligi ko‘rsatmalar va kasallikning kechishiga bog‘liq va davolovchi shifokor tomonidan shaxsiy ravishda belgilanadi.

Shifokorning tavsiyasisiz preparatni 4-5 kundan ortiq qabul qilish mumkin emas. 

Nojo‘ya ta’sirlari

Preparat odatda yaxshi o‘zlashtiriladi.

Markaziy nerv tizimi tomonidan: bosh og‘rig‘i.

Ovqat hazm qilish yo‘llari tomonidan: og‘izni qurishi, ko‘ngil aynishi, qusish, gastralgiya, diareya, qabziyat.

Nafas tizimi tomonidan: rinoreya, nafas yo‘llarining shilliq qavatini quruqligi.

Allergik reaksiyalar: teri toshmasi, eshakemi, angionevrotik shish, alohida hollarda allergik kontakt dermatit, juda kam hollarda – anafilaktik turdagi o‘tkir og‘ir reaksiyalari (anafilaktik shok).

Boshqalar: holsizlik, siyishni qiyinlashishi.

Qo‘llash mumkin bo‘lmagan holatlar

  • ambroksolga va preparatning boshqa komponentlariga yuqori sezuvchanlik;
  • homiladorlik (I uch oyligi) davri;
  • laktasiya davri;
  • me’da va 12-barmoq ichak yara kasalligi;
  • yo‘talga qarshi preparatlar bilan bir vaqtda qabul qilish mumkin emas.

Dorilarning o‘zaro ta’siri

Preparatni va antibakterial vositalarni (amoksisillin, sefuroksim, doksisiklin, eritromisin) bir vaqtda qabul qilish antibiotiklarni o‘pka to‘qimasiga kirishiga yordam beradi. Tug‘ruq faoliyatini susaytiruvchi preparatlar bilan mutanosib.

Preparat yo‘talga qarshi preparatlar bilan majmuaviy qo‘llanganida yo‘tal refleksini bostirishi tufayli, suyultirilgan sekret xavfli dimlanishi mumkin. Shuning uchun yo‘talga qarshi vositalarni qabul qilish faqat davolovchi shifokor ko‘rsatmasiga ko‘ra o‘tkazilishi kerak.

Kardionoselektiv β-adrenoblokatorlarni qo‘llanishi, bronxospazm tufayli balg‘amni ajralib chiqishini yomonlashtirishi mumkin.

Maxsus ko‘rsatmalar

Bronxlarning motorikasi buzilgan va sekret miqdori oshgan hollarda (masalan, xavfli kipriksimon epiteliy sindromida), bronxlarda shilliqni to‘planib qolish xavfi tufayli, siropni faqat davolovchi shifokor maslahatidan so‘ng va shifokor nazorati ostida qabul qilish mumkin.

Buyraklar yoki jigar faoliyatini og‘ir buzilishida preparatni qabul qilish orasidagi intervalni oshirish kerak.

Preparatni emizish vaqtida va homiladorlikning birinchi III uch oyligida qabul qilish mumkin emas. Homiladorlikning II va III oyliklarida ambroksolni faqat davolovchi shifokor tavsiyasi bo‘yicha qabul qilish mumkin.

Bronxial astmali pasientlarda ambroksol yo‘talni kuchaytirishi mumkin. Ambroksolni bevosita uyqudan oldini qo‘llash mumkin emas.

Preparat avtotransportni boshqarish va boshqa mexanizmlarga xizmat ko‘rsatish qobiliyatiga ta’sir qilmaydi.

Allergik reaksiyalarni birinchi belgilari paydo bo‘lganida preparatni qabul qilishni bekor qilish kerak.

Preparatning navbatdagi dozasini qabul qilinishi o‘tkazib yuborilgan xollarda, keyingi qabul qilishda preparatning dozasini oshirmaslik kerak.

Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.

Dozani oshirib yuborilishi

Simptomlari: hozirgi vaqtgacha preparatning dozasi oshirib yuborilganida zaharlanish hollari kuzatilmagan. Ammo ba’zida: qisqa muddatli bezovtalik, ich ketishi doza kuchli oshirib yuborilganida arterial bosimni pasayishi, qusish, ko‘p so‘lak ajralishi kuzatilishi mumkin

Davolash: bunday hollarda, ayniqsa dozani kuchli oshirib yuborilganida shifokorga murojaat qilish va uning tavsiyasi bo‘yicha me’dani yuvish, yog‘ saqlovchi mahsulotlarni qabul qilish, gemodinamik ko‘rsatkichlarni nazorat qilish, zarurati bo‘lganda simptomatik davolashni o‘tkazish kerak.

 Chiqarilish shakli

Tabletkalar 30 mg dan kontur-uyali o‘ramda.

Saqlash sharoiti

Quruq, yorug‘likdan himoyalangan joyda, 25°С dan yuqori bo‘lmagan haroratda saklansin.Bolalardan asrang!

Yaroqlilik muddati

3 yil. Yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Shifokor reseptisiz beriladi.

×